पंढरपूर : डिझेल दरात सातत्याने वाढ होत आहे. त्यामुळे ऊस वाहतुकीच्या दरात साखर कारखान्यांनी वाढ करावी. या मागणीसाठी ऊस वाहतूक करणाऱ्या ट्रॅक्टर मालकांनी पंढरपूर येथील तहसील कार्यालयावर ट्रॅक्टर मोर्चा काढला आहे. जिल्हाभरातून शेकडो ट्रॅक्टर मालक आपल्या ट्रॅक्टरसह मोर्चात सहभागी झाले होते.

हे देखील पहा-

जनशक्ती शेतकरी संघटनेने वतीने ट्रॅक्टर मोर्चा काढण्यात आला आहे. येथील छत्रपती शिवाजी महाराज चौकातून ट्रॅक्टर मोर्चाला सुरुवात करण्यात आली आहे. त्यानंतर मोर्चा तहसील कार्यालयावर पोहोचला. कारखानदारांनी येणाऱ्या गळीत हंगामात पासून ऊस वाहतूक दरात वाढ करावी. अन्यथा तीव्र आंदोलन केले जाईल, असा इशारा जनशक्ती संघटनेचे अध्यक्ष अतुल खूपसे यांनी दिला आहे.

Edited By- Digambar Jadhav