धुळे : शिंदखेडा तालुक्यातील मांडळ शिवारामध्ये अंगावर वीज पडून तरुण शेतकऱ्याचा जागीच मृत्यू झाल्याची घटना घडली आहे. शेतात काम करून झाल्यानंतर ढगाळ वातावरण बघून घराकडे निघालेल्या हिरालाल पितांबर पाटील या 35 वर्षीय तरुण शेतकऱ्याच्या (Farmer) अंगावर वीज कोसळल्याने या तरुण शेतकऱ्याचा जागीच दुर्दैवी मृत्यू (Death) झाला आहे. (dhule news death of a farmer due to lightning strike)

वीज कोसळल्याने मोठा आवाज झाला. त्यामुळे आजूबाजूच्या परिसरातील नागरिकांना वीज कोसळल्याचे समजले. आवाजाच्या दिशेने (Dhule News) नागरिकांनी धाव घेतली असता त्या ठिकाणी हिरामण पाटील हे जमिनीवरती कोसळल्याचे दिसून आले. त्यांना परिसरातील नागरिकांनी तात्काळ शासकीय रुग्णालयामध्ये दाखल केले परंतु डॉक्टरांनी त्यांना मृत घोषित केले.