धुळे : शिरपूर महाराष्ट्र राज्य लाल बावटा शेतमजुर युनियनच्यावतीने विविध प्रलंबित मागण्यांसाठी तहसील कार्यालयाबाहेर आंदोलन (Dhule News) करण्यात आले आहे. (dhule news Agitations of Agricultural Workers Union in front of Tehsils)

प्रधानमंत्री आवास घरकुल योजनेत वंचित लाभार्थ्यांना पात्र यादीत समाविष्ट करणे. तसेच या योजनेत अर्थसाहाय्य 5 लाख रुपये करणे, वनजमिनी नावावर करणे, आम आदमी विमा योजना लाभार्थ्यांची प्रलंबित प्रकरणे त्वरीत मंजूर करणे. शिरपूर (Shirpur) तालुक्यातील रेशनचा काळा बाजार थांबवणे. संजय गांधी योजनेचे पेन्शन वेळेवर मिळणे, शिरपूर चोपडा रस्त्याची त्वरीत दुरुस्ती करणे, तालुक्यात अति उष्णतेमुळे केळी व इतर पिकांचे हवामानामुळे झालेल्या नुकसानीचे पिक विमा कंपनीकडून नुकसान भरपाई मिळावी अशा विविध मागण्यांसाठी लाल बावटा शेतमजूर युनियनतर्फे तहसील कार्यालया समोर हे आंदोलन करण्यात आले आहे.