Parbhani :

परभणीच्या बाजारपेठेत काही दिवसांपासून सात हजारांच्या आत असणाऱ्या कापसाच्या भावात आता 800 ते 900 रुपये वाढ झाली आहे. यामुळे कापूस विक्रीसाठी बाजारपेठात गर्दी वाढली आहे. दरम्यान परभणी जिल्ह्यात कापसा पाठोपाठ सोयाबीनचा पेरा ही मोठ्या प्रमाणात वाढला आहे. परंतु साेयबीनला भाव मिळत नसल्याने शेतकरी चिंतेत आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

परभणीच्या बाजारपेठेत पंधरा दिवसांपूर्वी कापसाचे दर साडे सहा हजार ते सात हजार रुपयांपर्यंत भाव होते. मागील आठ दिवसांपासून बाजारपेठेत तेजी आल्याचे कापसाचे भाव सात हजार आठशे ते नऊशे रुपयांपर्यंत गेला आहे. येत्या काही दिवसांत असेच दर राहतील किंवा ह्यात वाढ होण्याचा अंदाज बाजारपेठातील व्यापाऱ्यांनी व्यक्त केला आहे.

सोयाबीनचे दर साडे हजार रुपये

परभणी जिल्ह्यात कापसा पाठोपाठ सोयाबीनचा पेरा ही मोठ्या प्रमाणात वाढलाय. यंदा सुरुवाती पासूनच पावसाचे प्रमाण अत्यल्प राहिल्याने सोयाबीनच्या उताऱ्यात मोठी घट झाली आहे. या स्थितीत सोयाबीनला योग्य दर मिळतील अशी अपेक्षा शेतकऱ्यांना होती. (Maharashtra News)

सोयाबीनला साडे चार हजार रुपये दर मिळत आहे. दर वाढतील या आशेवर शेतकऱ्यांनी सोयाबीन वेअर हाउस व घरात साठवून ठेवले आहे. सध्या मिळत असलेल्या भावात उत्पादन खर्चही निघत नसल्याने सोयाबीन उत्पादक शेतकरी आर्थिक संकटात सापडला आहे.

Edited By : Siddharth Latkar