बुलढाणा : विधानसभा निवडणुकीच्या पार्श्वभूमीवर पोलीस प्रशासनाकडून सर्वत्र नाकाबंदी करण्यात आली आहे. यात वाहन तपासणी केली जात असून या वाहन तपासणीदरम्यान चार लाखाची रक्कम आढळून आल्याने पोलिसांनी हि रक्कम जप्त केली. मात्र सदरची रक्कम आडत्यांची असल्याने त्यांनी रोष व्यक्त करत बाजार समितीमधील खरेदी विक्री बंद केली. यामुळे शेतकऱ्यांनी महामार्गावर चक्काजाम आंदोलन केले. 

विधानसभा निवडणुकीच्या पार्श्वभूमीवर (Buldhana News) जिल्ह्यात ठिकठिकाणी नाकाबंदी केली आहे. शेतकरी आपला शेतमाल बाजार समितीत विक्रीसाठी आणला आहे. त्यांना पैसे देण्यासाठी कल्याणी ट्रेडर्सच्या मालकाने एक्सीस बँकेतून ४ लाख रुपये बाजार समितीमध्ये काढून घेऊन जात होते. याच वेळी मलकापूर पोलिसांनी नाकाबंदी दरम्यान केलेल्या वाहन तपासणीत सदरची रोख रक्कम जप्त केली आहे. त्यामुळे अडतं व्यापाऱ्यांनी (Bajar Samiti) कृषी उत्पन्न बाजार समितीतील खरेदी बंद केली आहे.

शेतकरी उतरले रस्त्यावर  

मलकापूर कृषी उत्पन्न बाजार समितीतील अडत्याचे पैसे पोलिसांनी पकडल्या कारणाने बाजार समितीतील खरेदी विक्री बंद आहे. दरम्यान याच कारणामुळे बेलाड येथील असंख्य (Farmer) शेतकऱ्यांनी मुंबई- कलकत्ता राष्ट्रीय महामार्ग क्रमांक ६ वर चक्का जाम आंदोलन केले. परिणामी महामार्गावर वाहनांच्या लांबच लांब रांगा लागल्या आहेत. या चक्काजाममुळे वाहनातील प्रवासी त्रस्त  झाले आहेत.