शुभम देशमुख 

भंडारा : राज्यात यंदा जून महिन्याच्या पहिल्याच आठवड्यात मान्सूनचे आगमन झाले. सुरवातीला बऱ्यापैकी पाऊस पडला मात्र त्यानंतर पावसाने पाठ फिरवली आहे. आता जुलै महिना सुरू झाला असला तरी भंडारा जिल्ह्यात पावसाने पाठ फिरवली आहे. त्यामुळे शेतकरी संकटात सापडला असून शेतकऱ्यावर दुबार पेरणीचे संकट उभे आहे. परिणामी शेतकऱ्यांच्या नजरा आता आकाशाकडे लागून आहेत. 

सद्या पावसाळा लागला असुन शेतकरी (Farmer) शेतीच्या कामाला लागला आहे. राज्यातील बहुतांश भागात चांगला पाऊस होत असल्याने शेतकऱ्यांनी पेरणी केलेली पिके डोलू लागली आहेत. मात्र. काही भागात अजूनही दमदार पावसाची प्रतीक्षा आहे. यात भंडारा (Bhandara) जिल्ह्याचा समावेश आहे. जून महिन्यात भंडारा जिल्ह्यात पावसाने हजेरी लावली. या पावसात शेतकरी धानाचे परे टाकले. पण आता जुलै महीना लागला असुन पावसाने हुलकावणी दिली आहे. यामुळे जमिनीतून निघत असलेले पिकांचे कोम आता कोमेजू लागले आहेत. त्यांना पाण्याची नितांत आवश्यकता आहे. 

दुबार पेरणीचे संकट 

मोठ्या मेहनतीने शेतकऱ्यांनी धानाचे परे टाकले. नियमित (Rain) पाऊस येईल व धान शेती लागवड होणार अशी आशा शेतकऱ्यांना होती. मात्र पावसाने पाठ फिरवल्याचे चित्र सध्यातरी जिल्ह्यात दिसत आहे. यामुळे शेतकरी आकाशाकडे डोळे लावुन आहे. भंडारा जिल्ह्यात पाऊस पडत नाही. त्यामुळे शेतकऱ्यांवर दुबार पेरणीचे संकट ओढवण्याची वेळ आली आहे. पावसाच्या लहरी पणाचा फटका आता शेतकऱ्यांनी बसणार आहे. यामुळे पाऊस लवकर पडावा यासाठी शेतकऱ्यांकडून देवाला साकडे घातले जात आहे.