बीड : बीडच्या माजलगाव तालुक्यातील गंगामसला येथील शेतकऱ्यांनी सोयाबीनचे नुकसान भरपाई मिळावी; यासाठी शेतातच ठिय्या मांडला आहे. (Beed Farmer News)

अतिवृष्टीने अगोदरच बीड जिल्ह्यातील शेतकऱ्याचे कंबरडे मोडलेले असताना, आता सोयाबीन पिकांवर पुन्हा संकट उभे राहिले आहे. पिवळा मोझॅक रोगामुळे सोयाबीनचे पीक पूर्ण करपून जात आहे. त्यामुळे शेतकरी हवालदिल झाला असून हातातोंडाशी आलेला घास या रोगाने गेला आहे.

हेक्‍टरी १ लाख द्या

त्यामुळे सोयाबीनचे तात्काळ पंचनामे करून हेक्टरी 1 लाख रुपये नुकसान भरपाई शासनाने त्वरित द्यावी; अशी मागणी शेतकऱ्यांनी केली आहे. यासाठी चक्क सोयाबीनच्या शेतात शेतकऱ्यांनी तात्काळ मदत करावी, अशी मागणी सरकारकडे केली आहे. येत्या काळात जर शेतकऱ्यांना मदत नाही मिळाली, तर रास्ता रोको करू. असा इशारा देखील यावेळी शेतकऱ्यांनी दिला.