पंढरपूर: वीज वितरण कंपनीने थकीत वीज बिल वसुलीसाठी शेती पंपाचा वीज पुरवठा तोडला आहे. या अन्यायाविरोधात जनहित शेतकरी संघटना आक्रमक झाली आहे. शेतकऱ्यांच्या शेती पंपाचा वीज पुरवठा तात्काळ सुरू करावा या मागणीसाठी जनहित शेतकरी संघटनेचे संस्थापक अध्यक्ष प्रभाकर देशमुख यांच्या नेतृत्वाखाली आज सावरकरांच्या पुतळ्यासमोर महाविकास आघाडी सरकारमधील तीन माकडांचे प्रदर्शन आंदोलन सुरू केले आहे. (An agitation of Janhit Shetkari Sanghatana demanding to start power supply to agricultural pumps)

हे देखील पहा -

मागील आठ दिवसांपासून थकित वीज बिल वसुलीसाठी वीज वितरण कंपनीने शेती पंपाचा वीज पुरवठा तोडला आहे. यामुळे शेतकऱ्यांच्या शेतीच्या पिकांचे नुकसान होत आहे. कोरोना काळात वीज वितरण कंपनीने शेतकऱ्यांना वेठीस धरले आहे. याविरोधात जनहित शेतकरी संघटनेने आंदोलन सुरू केले आहे.

शेती पंपाचा वीज पुरवठा तत्काळ सुरू करावा अन्यथा महाविकास आघाडी सरकारमधील मंत्र्यांना शेतकरी हातात रुमणे घेऊन जाब विचारतील असा इशाराही प्रभाकर देशमुख यांनी दिला आहे.

Edited By - Akshay Baisane