Tur Price : लातूर (latur) जिल्ह्यातील उदगीर बाजार समितीत (udgir krushi utpanna bazar samiti) तुरीच्या दरात दिवसेंदिवस वाढ होत आहे. त्यामुळे आगामी काळात तुरीचा दर उच्चांकी असण्याची शक्यता व्यापाऱ्यांकडून (traders) वर्तविली जात आहे. (Latur Latest Marathi News)

उदगीर कृषी उत्पन्न बाजार समितीत गुरुवारी तुरीला सर्वाधिक आठ हजार ८०० रुपये प्रतिक्विंटल असा भाव मिळाला आहे. या हंगामातील हा सर्वोच्च भाव ठरला आहे. त्यामुळे शेतकऱ्यांनी (farmers) टप्या टप्याने तूर विक्री केल्यास आर्थिक फायदा होणार आहे.

सर्वसाधारण तुरीस ७ हजार ८०० ते ८ हजार २०० रुपये प्रति क्विंटलपर्यंत दर मिळत आहे. स्थानिक कारखानदारांकडून मागणी वाढल्याने आगामी काळात तुरीचे दर आणखीन वाढण्याची शक्यता वर्तविण्यात येत आहे. मागील वर्षी ६ हजार ५०० रुपये दर मिळाल्याने यावर्षी लागवड कमी झाली. अतिवृष्टीने तुरीस फटका बसल्यामुळे उत्पादन अत्यल्प झाले. (Maharashtra News)

Edited By : Siddharth Latkar