Shruti Vilas Kadam
घराच्या अंगणात किंवा बाल्कनीत जुनी पाने, लाकडे, विटा आणि भंगार ठेवू नका. अशा ठिकाणी साप लपून बसू शकतात. त्यामुळे घराचा परिसर नेहमी स्वच्छ ठेवा.
घराच्या भिंतींना पडलेल्या भेगा, दरवाज्याखालील फटी आणि खिडक्यांमधील मोकळ्या जागा बंद करा. अशा फटींमधून साप घरात येऊ शकतात.
उंदीर हे सापांचे खाद्य आहे. त्यामुळे घरात उंदीर असतील तर साप येण्याची शक्यता वाढते. अन्नपदार्थ झाकून ठेवा आणि घरातील कचरा वेळेवर टाका.
हिवाळ्यात साप उबदार जागी लपून बसू शकतात. त्यामुळे बाहेर ठेवलेल्या बुटांमध्ये साप लपलेला असू शकतो. म्हणून बूट घालण्यापूर्वी ते नीट तपासा.
घरातील कोपऱ्यांमध्ये जुने कपडे, बॉक्स आणि भंगार साठवू नका. अशा वस्तूंमध्ये साप लपण्याची शक्यता असते. त्यामुळे घरातील अडगळ वेळोवेळी स्वच्छ करा.
घराच्या आजूबाजूला उंच गवत आणि झुडपे असतील तर ती वेळोवेळी कापून घ्या. तसेच घराजवळ पाणी साचू देऊ नका. यामुळे साप लपण्यासाठी जागा मिळण्याची शक्यता कमी होते.
घरात साप दिसल्यास त्याला मारण्याचा किंवा पकडण्याचा प्रयत्न करू नका. त्याच्यापासून दूर राहा. लहान मुले आणि पाळीव प्राण्यांना सुरक्षित ठिकाणी ठेवा. ताबडतोब सर्पमित्र किंवा वन विभागाला संपर्क करा.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.