Shruti Vilas Kadam
खोबरेल तेलामुळे केस मऊ राहण्यास मदत होते. कोरफड लावल्याने केसांना ओलावा मिळतो. त्यामुळे केसांचा कोरडेपणा कमी होऊ शकतो.
केस निस्तेज आणि राठ झाले असतील तर खोबरेल तेल आणि कोरफड लावू शकता. यामुळे केस मऊ होतात आणि त्यांना नैसर्गिक चमक मिळण्यास मदत होते.
टाळू कोरडी असल्यामुळे खाज येत असेल तर कोरफड लावू शकता. कोरफड टाळूला थंडावा देते. खोबरेल तेलामुळेही कोरडेपणा कमी होण्यास मदत होते.
केस खूप कोरडे असतील तर ते लवकर तुटतात. अशावेळी खोबरेल तेल लावल्याने केसांचे संरक्षण होण्यास मदत होते. कोरफड लावल्याने केस मऊ राहतात.
खोबरेल तेल आणि कोरफड एकत्र लावल्याने केसांचा राठपणा कमी होऊ शकतो. त्यामुळे केस विंचरणे सोपे जाते आणि ते अधिक मऊ वाटतात.
एका वाटीत दोन चमचे कोरफडीचा गर आणि एक चमचा खोबरेल तेल घ्या. दोन्ही एकत्र करून मिश्रण तयार करा. हे मिश्रण केसांना आणि टाळूला हलक्या हाताने लावा.
खोबरेल तेल आणि कोरफडीचे मिश्रण केसांना २० ते ३० मिनिटे लावून ठेवा. त्यानंतर शाम्पूने केस धुवा. आठवड्यातून एकदा हा उपाय करू शकता. पहिल्यांदा वापरण्यापूर्वी थोडे मिश्रण हातावर लावून तपासा. खाज किंवा जळजळ झाल्यास वापर करू नका.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.