Shruti Vilas Kadam
वॉलनट ब्राउनी बनवण्यासाठी एक कप डार्क चॉकलेट, अर्धा कप बटर, पाऊण कप साखर, अर्धा कप मैदा, दोन चमचे कोको पावडर, दोन अंडी, अर्धा चमचा व्हॅनिला इसेन्स आणि अर्धा कप चिरलेले अक्रोड घ्या.
सर्वप्रथम एका भांड्यात डार्क चॉकलेट आणि बटर एकत्र घ्या. गरम पाण्याच्या वाफेवर किंवा मायक्रोवेव्हमध्ये ते वितळवून घ्या. मिश्रण गुळगुळीत झाल्यानंतर थोडे थंड होऊ द्या.
दुसऱ्या भांड्यात अंडी आणि साखर एकत्र घेऊन चांगले फेटून घ्या. त्यात व्हॅनिला इसेन्स घाला. आता हे मिश्रण वितळलेल्या चॉकलेट-बटरमध्ये एकत्र करा.
मैदा आणि कोको पावडर चाळून घ्या. हे मिश्रण चॉकलेटच्या मिश्रणात थोडेथोडे घालून हलक्या हाताने मिक्स करा. मिश्रण जास्त फेटू नका.
आता मिश्रणात चिरलेले अक्रोड घाला. काही अक्रोडाचे तुकडे वरून सजावटीसाठी बाजूला ठेवा. सर्व साहित्य व्यवस्थित एकत्र करा.
बेकिंग ट्रेमध्ये बटर पेपर लावून त्यावर तयार मिश्रण ओता. वरून उरलेले अक्रोड पसरवा. आधी गरम केलेल्या ओव्हनमध्ये १७० ते १८० अंश सेल्सिअस तापमानावर साधारण २५ ते ३० मिनिटे बेक करा. टूथपिक घातल्यावर त्यावर थोडे ओलसर तुकडे लागले तरी चालतात.
ब्राउनी पूर्णपणे थंड झाल्यानंतर त्याचे चौकोनी तुकडे करा. गरम किंवा थंड ब्राउनी व्हॅनिला आईस्क्री