Vishal Gangurde
व्हॉट्सअॅप चॅनलवर अनेक नवीन फीचर्स आले आहेत. याबाबत व्हॉट्सअॅप प्रमुखांनी माहिती दिली आहे. त्यांनी स्वतःच्या व्हॉट्सअॅप चॅनलवर पोल अॅड केला आणि एक व्हाइस नोट शेअर केली आहे.
Meta सीईओ मार्क झुकरबर्ग यानेही याबाबत सविस्तर माहिती शेअर केली आहे. आम्ही व्हॉट्सअॅप चॅनलवर व्हाइस नोट, मल्टिपल अॅडमिन आणि स्टेटस शेअरिंग, पोल यांसारखे फीचर्स अॅड करत आहोत, असे त्याने सांगितले.
व्हॉट्सअॅप चॅनलमध्ये हे सर्व फीचर्स मिळतील. चॅनलवर अॅडमिन पोल क्रिएट करता येईल. त्यावर सर्व मेंबर्स मत नोंदवू शकतील.
एखादी सविस्तर माहिती व्हाइस मेसेजद्वारे पाठवता येणे शक्य होईल. एखाद्या चॅनलचे अनेक अॅडमिन होऊ शकतात. त्यामुळे संबंधित चॅनलवर एकापेक्षा जास्त मेंबर्स पोस्ट करू शकतील.
कंपनीने सांगितले की, त्यांच्या प्लॅटफॉर्मवर दरदिवशी ७ अब्ज व्हाइस मेसेज पाठवले जातात. आता हे फीचर व्हॉट्सअॅप चॅनलवरही उपलब्ध होईल.
एखाद्या चॅनलचे १६ अॅडमिनही होऊ शकतात. याशिवाय कंपनीने शेअर टू स्टेटस हे फीचरही आणले आहे. यूजर्स चॅनल्सवरील अपडेट्स स्टेटसवरही शेअर करू शकतात.
जर तुम्ही एखाद्या चॅनलला फॉलो करत असाल तर, त्यावरील डिटेल्स आपल्या व्हॉट्सअॅप स्टेटसवरही शेअर करू शकता.
'व्हॉट्सअॅप चॅनल' हे फीचर कंपनीने गेल्या वर्षी सप्टेंबरमध्ये लाँच केलं होतं. यूजर्सला एकाच ठिकाणी माहिती शेअर करता येते.
व्हॉट्सअॅप ग्रुपपेक्षा चॅनल हे फीचर हटके आहे. ग्रुपमध्ये सर्व मेंबर्स पोस्ट करू शकतात. चॅनलवर तसं करता येत नाही. इथं फक्त अॅडमिनच पोस्ट शेअर करू शकतो. उर्वरित सर्व मेंबर चॅनल फॉलो करतात.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.