Farsan Bhaji Recipe: रोज रोज बटाट्याची भाजी खाऊन कंटाळलात? मग झणझणीत फरसाणची रस्सा भाजी खाऊन पाहाच

फरसाणची भाजी

रोज रोज त्याच त्या भाज्या बनवून कंटाळा आला असेल तर ही झटपट फरसाणची भाजी एकदम योग्य पर्याय आहे. काही मिनिटांत तयार होणारी ही भाजी खायला तितकीच रुचकरही आहे.

आवश्यक साहित्य

फरसाण २ वाट्या, बारीक चिरलेला कांदा, आलं, हळद, लाल तिखट, कोथिंबीर आणि तेल एवढ्याच साहित्यात ही भाजी बनवता येते.

फोडणी तयार करा

कढईत तेल गरम करून त्यात मोहरी, जीरं, आलं, कांदा आणि टोमॅटो टाका. थोडं मीठ घालून परतून घ्या.

मसाले घाला

मिश्रणात हळद, लाल तिखट, धणेपूड आणि चाट मसाला घालून सर्व एकजीव करून घ्या.

फरसाण मिक्स करा

तयार मसाल्यात फरसाण घालून हलक्या हाताने मिक्स करा आणि झाकण ठेवा.

वाफ काढा

दोन मिनिटं वाफ काढल्यानंतर गॅस बंद करा. फरसाण भाजी तयार होईल. गरमागरम फरसाणची भाजी मऊ चपाती किंवा भाकरीबरोबर सर्व्ह करा.

रस्सा हवाय?

भाजलेला कांदा, सुकं खोबरं, लसूण, आलं आणि मिरचीचं वाटण तयार करा. ते तेलात परतून पाणी घाला आणि फरसाण मिसळा.

NEXT: सर्वात जास्त ज्यावर प्रेम करतो तोच घात करतो? चाणक्यांनी सांगितलं गुपित