Mumbai Hidden Gems : मुंबईची हटके सफर, प्राचीन गुहा आणि शांत निसर्गाच्या सानिध्यात लपलेली ही आहेत सुंदर 8 ठिकाणे

खोताचीवाडी

गिरगाव मधील ही एक अतिशय जुनी, पारंपरिक आणि शांत वस्ती आहे. इथे पोर्तुगीज वास्तुकलेचे दर्शन घडवणारे लाकडी बंगले, अरुंद गल्ल्या आणि जुन्या मुंबईची झलक पाहायला मिळते.

गिल्बर्ट हिल

अंधेरी पश्चिम, मुंबई येथे असलेला हा सुमारे २०० फूट उंच काळ्या बेसाल्ट खडकाचा एक भव्य सुळका आहे. या हिलच्या शिखरावर दोन जुनी मंदिरे गौतमी माता आणि दुर्गादेवी.

बाणगंगा टाकी

मलबार हिल दक्षिण मुंबई येथील हा एक प्राचीन पाण्याचा तलाव आहे. या आयताकृती तलावाच्या चारही बाजूंनी पायऱ्या, जुनी मंदिरे आणि धर्मशाळा आहेत. हा मुंबईतील एक अत्यंत पवित्र आणि धार्मिक वारसा आहे.

कान्हेरी लेणी

बोरीवलीच्या संजय गांधी राष्ट्रीय उद्यानाच्या जंगलात असलेली ही प्राचीन बौद्ध लेणी आहे. येथे सुमारे १०९ पेक्षा जास्त लहान-मोठी लेणी आहेत, ज्यामध्ये प्रार्थनागृहे , विहार, दगडात कोरलेली गौतम बुद्धांची शिल्पे आणि जुने दगडी खाटले पाहायला मिळतात.

महाकाली लेणी

अंधेरी पूर्व येथे असलेली ही लेण्याची एक छोटी मालिका आहे, ज्यांना कोंडिविटे लेणी असेही म्हणतात. येथे एकूण १९ लेणी आहेत, ज्यात प्रामुख्याने स्तूप, बुद्धांची शिल्पे आणि प्राचीन पाली भाषेतील शिलालेख पाहायला मिळतात.

शिवडी किल्ला

शिवडी मध्य मुंबई येथील हा किल्ला पूर्व किनारपट्टीजवळ खाडीच्या कडेला वसलेला आहे. विशेषतः हिवाळ्यात या किल्ल्याच्या आजूबाजूच्या शिवडी खाडीच्या परिसरात हजारो फ्लॅमिंगो पक्षी पाहण्यासाठी निसर्गप्रेमी आणि पक्षीप्रेमी मोठी गर्दी करतात.

छोटा काश्मीर

गोरेगाव पूर्व येथील आरे मिल्क कॉलनीमध्ये असलेला हा एक सुंदर आणि हिरवागार परिसर आहे. येथे लहान मुलांसाठी फिरण्याची जागा, तसेच पर्यटकांसाठी नौकाविहार करण्याची सोय आहे. हा भाग चित्रपट शूटिंगसाठीही खूप प्रसिद्ध आहे.

ग्लोबल विपश्यना पगोडा

बोरिवली-गोराई खाडीच्या जवळ असलेला हा अत्यंत भव्य असा पांढऱ्या आणि सोन्याच्या रंगाचा विपश्यना मेडिटेशन स्तूप आहे. येथे गौतम बुद्धांचे अवशेष ठेवण्यात आले आहेत. हजारो लोकांना एकत्र ध्यान करण्यासाठी हा पगोडा ओळखला जातो. येथील शांत,दिव्य वातावरण आणि सुंदर वास्तुकला मनाला आणि डोळ्यांना सुखावणारी आहे.

NEXT : पाण्यात की दुधात, ड्रायफ्रुट्स कशामध्ये भिजून खावे?