Surabhi Jayashree Jagdish
पुण्याच्या आसपास पावसाळ्यात फिरण्यासाठी अनेक निसर्गरम्य ठिकाणं आहेत. हिरवेगार डोंगर, पावसाच्या सरी आणि धुक्याने भरलेले वातावरण पर्यटकांना आकर्षित करतं. त्यामुळे वीकेंडला जवळपासची ट्रिप प्लॅन करण्यासाठी हा काळ सर्वोत्तम मानला जातो.
पुण्यापासून जवळ अशी काही ठिकाणं आहेत जिथे तुम्ही वनडे ट्रिप करू शकता. पावसाळ्यात याठिकाणी निसर्गाचं सौंदर्य अधिक खुलून दिसतं.
खडकवासला धरण पुण्यापासून सुमारे 20 किलोमीटर अंतरावर असून पावसाळ्यात याठिकाणी मोठ्या प्रमाणात पर्यटक येतात. धरण परिसरातील पाण्याचं विस्तीर्ण दृश्य मनमोहक असतं. संध्याकाळच्या वेळेला निसर्गाचा आनंद घेण्यासाठी अनेक जण भेट देतात.
पानशेत धरण पुण्यापासून सुमारे 40 किलोमीटर अंतरावर असून पावसाळ्यात याठिकाणी पाण्याची पातळी वाढलेली पाहायला मिळते. हिरव्यागार डोंगरांच्या सान्निध्यात असलेलं हे ठिकाण शांत वातावरणासाठी ओळखलं जातं.
ताम्हिणी घाट हा पावसाळ्यातील सर्वात लोकप्रिय पर्यटन स्थळांपैकी एक आहे. मुसळधार पावसात याठिकाणी असंख्य छोटे-मोठे धबधबे आणि दाट धुके अनुभवायला मिळतं. निसर्गप्रेमी आणि फोटोग्राफीची आवड असलेल्या पर्यटकांसाठी हे ठिकाण विशेष आकर्षण ठरतं.
मुळशी डॅमचा परिसर पावसाळ्यात हिरवाईने नटलेला दिसतो. डोंगर, तलाव आणि धुक्याचे सुंदर दृश्य याठिकाणी पाहायला मिळतं. शांत वातावरणात वेळ घालवण्यासाठी आणि निसर्गाचा आनंद घेण्यासाठी हे एक उत्कृष्ट ठिकाण आहे.
सिंहगड किल्ला हा इतिहास आणि निसर्ग यांचा सुंदर संगम मानला जातो. पावसाळ्यात किल्ल्याभोवती दाट धुकं, हिरवळ आणि थंडगार वातावरण अनुभवायला मिळतो. ट्रेकिंगची आवड असलेल्या पर्यटकांसाठी सिंहगड हा पावसाळ्यातील सर्वात लोकप्रिय पर्यायांपैकी एक आहे.