Surabhi Jayashree Jagdish
बीपी खूप वाढल्याच्या स्थितीत काही लोकांना तीव्र डोकेदुखीचा त्रास जाणवू शकतो. विशेषतः डोकेदुखी अचानक सुरू झाली आणि त्यासोबत दृष्टीत बदल, गोंधळ किंवा अशक्तपणा जाणवत असेल तर त्याकडे दुर्लक्ष करू नये.
रक्तदाब अतिशय वाढल्यास काही व्यक्तींना चक्कर येणं किंवा अस्वस्थपणा जाणवू शकतो. मात्र चक्कर येण्यामागे फक्त हाय बीपी हेच कारण असतं असं नाही. चक्कर वारंवार येत असल्यास किंवा त्यासोबत दृष्टी धूसर होणे, अशक्तपणा किंवा इतर नवीन त्रास जाणवत असल्यास डॉक्टरांचा सल्ला घ्यावा.
अतिशय वाढलेल्या रक्तदाबाचा डोळ्यांवर आणि त्यांच्या रक्तवाहिन्यांवर परिणाम होऊ शकतो. त्यामुळे दृष्टी धूसर होणे किंवा दिसण्यात अचानक बदल जाणवू शकतो. दृष्टीमध्ये झालेला अचानक बदल हा साधा त्रास समजून दुर्लक्षित करणं योग्य नाही.
छातीत दुखणं हे केवळ बीपी वाढल्याचे लक्षण मानता येत नाही, परंतु अतिशय वाढलेल्या रक्तदाबासोबत असं दुखणं गंभीर स्थितीचा इशारा असू शकतं. दीर्घकाळ नियंत्रणात नसलेला उच्च रक्तदाब हार्ट अटॅक आणि स्ट्रोकसह गंभीर आजारांचा धोका वाढवतो.
बीपी अत्यंत वाढल्यावर काही लोकांना मळमळणं किंवा उलटी होण्यासारखी लक्षणं दिसू शकतात. मात्र ही लक्षणं अनेक इतर कारणांमुळेही होऊ शकतात त्यामुळे त्यावरूनच उच्च रक्तदाबाचे निदान करता येत नाही.
उच्च रक्तदाबाचे सर्वात महत्त्वाचे वैशिष्ट्य म्हणजे अनेक रुग्णांना तो वाढलेला असूनही कोणतीही स्पष्ट लक्षणं जाणवत नाहीत. त्यामुळे शरीराकडून इशारा मिळण्याची वाट पाहण्यापेक्षा नियमितपणे रक्तदाब तपासणे हा अधिक योग्य मार्ग आहे.
रक्तदाब १८०/१२० mmHg पेक्षा जास्त आढळल्यास किमान एक मिनिट थांबून पुन्हा रक्तदाब मोजण्याचा सल्ला दिला जातो. दुसऱ्या मोजमापातही रक्तदाब एवढाच जास्त राहिला आणि छातीत दुखणं, श्वास घेण्यास त्रास, दृष्टीत बदल, अशक्तपणा किंवा बोलताना अडचण अशी लक्षणं असतील तर तातडीने डॉक्टरांकडे जा.
ही माहिती विविध सार्वजनिक स्रोतांवर आधारित असून केवळ सामान्य माहितीसाठी देण्यात आली आहे. या माहितीची स्वतंत्र वैद्यकीय पडताळणी आम्ही केलेली नाही. कोणतीही लक्षणे आढळल्यास स्वतः निष्कर्ष काढण्याऐवजी तज्ज्ञ डॉक्टरांचा सल्ला घ्या.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.