Priya More
सुंदर दिसण्यासाठी प्रत्येक तरुणी हेअर स्टाईल करतात. त्यासाठी वेगवेगळे हेअर टूल्स वापरले जातात.
हेअर स्टाइलच्या नादात आपण आपल्या केसांची वाट लावून घेतो. या हेअर टूल्समुळे केसांना हानी पोहचते आणि मोठं नुकसान होतं.
स्ट्रेटनर, कर्लिंग आयर्न आणि ब्लो ड्रायर यांसारखी उष्णता देणारी उपकरणे केसांना स्टाईल करण्यासाठी वापरली जातात. पण यामुळे केस खराब होतात.
स्ट्रेटनर, कर्लिंग आयर्न यामुळे केसातील नैसर्गिंक ओलावा निघून जातो आणि क्यूटिकल्स कमकुवत होऊन केस गळती होते. केस कोरडे आणि निर्जीव होतात.
ब्लो ड्रायरमधून बाहेर पडणारी तीव्र गरम हवा थेट टाळूवर आदळते आणि टाळूचा नैसर्गिक ओलावा काढून टाकते. ज्यामुळे कोंडा आणि केसगळती वाढू शकते.
उष्णता देणारे हेअर टूल्स वारंवार वापरणे टाळा. प्रत्येक वापरामध्ये थोडा वेळ द्या. केसांमधील कमी झालेला ओलावा परत मिळवण्यासाठी स्टायलिंगनंतर केसांना डीप कंडिशनिंग करा.
केस घट्ट पोनीटेलमध्ये किंवा खूप घट्ट बांधणे टाळा. रबर बँडचा सतत वापर केल्याने ट्रॅक्शन अलोपेसिया होऊ शकतो ज्यामुळे केसांची मुळे कमकुवत होतात आणि ते तुटतात.
दररोज केसांची घट्ट वेणी घालणे टाळा. हलक्या वेण्या आणि सैल पोनीटेल हे उत्तम पर्याय आहेत. रबर किंवा केसांवर ताण देणाऱ्या कोणत्याही पदार्थाचे इलास्टिक वापरू नये. त्याऐवजी हलक्या, मऊ कापडी बँडने केस बांधा. सतत एकच केशरचना ठेवणे टाळा.Hair Style
मेटलच्या क्लिप्स किंवा जड पिन्स वापरल्याने टाळूवर दाब पडतो आणि केस ओढले जातात. दीर्घकाळ वापरल्यास त्यामुळे टाळू दुखणे, जळजळ आणि केस तुटणे यांसारख्या समस्या निर्माण होऊ शकतात.
कडक दातांचे प्लास्टिकचे कंगवे वापरणं टाळा. जुने हेअरब्रशसुद्धा वापरणं टाळा. यामुळे टाळूला इजा होऊ शकते आणि केसामध्ये गुंता होऊन ते तुटू शकतात.
आजकाल हेअर एक्सटेंशन्सचा वापर केला जातो. यांच्या सततच्या वापरामुळे केसांच्या मुळांवर दाब पडतो. त्यांचा दीर्घकाळ वापर केल्याने केस विरळ होऊ शकतात आणि केसगळती वाढू शकते. त्यामुळे याचा वापर करणं टाळा.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.