Bollywood Actress: बॉलिवूडच्या पहिल्या १०० कोटींचा चित्रपट देणारी ही अभिनेत्री माहिती आहे का?

दक्षिण चित्रपटसृष्टीतून झाली सुरुवात

असिन थोट्टुमकलने वयाच्या अवघ्या 16 व्या वर्षी अभिनय क्षेत्रात पदार्पण केले. तमिळ, तेलुगू आणि मल्याळम चित्रपटांमध्ये तिने मोठे यश मिळवले.

‘गजनी’ने दिली खास ओळख

2008 मध्ये आमिर खानसोबत ‘गजनी’ या चित्रपटातून असिनने बॉलिवूडमध्ये प्रवेश केला. या चित्रपटातील ‘कल्पना’ची भूमिका प्रेक्षकांच्या विशेष पसंतीस उतरली.

बॉलिवूडचा पहिला 100 कोटींचा चित्रपट

‘गजनी’ हा हिंदी चित्रपटसृष्टीतील पहिला 100 कोटींची कमाई करणार चित्रपट ठरला. या यशामुळे असिन रातोरात बॉलिवूडमधील आघाडीच्या अभिनेत्रींपैकी एक बनली.

अनेक सुपरस्टार्ससोबत केलं काम

असिनने सलमान खान, अक्षय कुमार, अजय देवगण आणि आमिर खान यांसारख्या मोठ्या कलाकारांसोबत काम केले. ‘रेडी’, ‘हाऊसफुल 2’, ‘बोल बच्चन’ आणि ‘खिलाडी 786’ हे तिचे गाजलेले चित्रपट ठरले.

करिअरच्या शिखरावर घेतला मोठा निर्णय

अनेक हिट चित्रपट दिल्यानंतरही असिनने चित्रपटांपासून दूर जाण्याचा निर्णय घेतला. तिचा शेवटचा चित्रपट ‘ऑल इज वेल’ 2015 मध्ये प्रदर्शित झाला.

उद्योगपती राहुल शर्मासोबत विवाह

2016 मध्ये असिनने मायक्रोमॅक्सचे सह-संस्थापक राहुल शर्मा यांच्यासोबत लग्न केले. लग्नानंतर तिने पूर्णपणे कुटुंबाकडे लक्ष देण्याचा निर्णय घेत फिल्म इंडस्ट्री सोडली.

आता लाइमलाइटपासून दूर

लग्नानंतर असिनने अभिनय क्षेत्राला रामराम ठोकला आणि सार्वजनिक जीवनापासूनही दूर राहण्याचा निर्णय घेतला. ती सध्या पती आणि मुलीसोबत छान आयुष्य जगत आहे.

Kharik Benefits: हाडे मजबूत होतात, हिमोग्लोबिन वाढवते...; रोज सकाळी 2 खारिक खल्ल्याने होतात हे फायदे