Bharat Jadhav
आधार आणि पॅन कार्ड ही अशी महत्त्वाची कागदपत्रे आहेत, त्याशिवाय दैनंदिन जीवनातील अनेक आवश्यक कामे रखडू शकतात. बँक खाते असो, करविषयक बाबी असोत किंवा सरकारी सेवांचा लाभ घेणे असो. यासर्व गोष्टींसाठी ही दोन्ही कागदपत्रे आवश्यक असतात.
जर तुम्ही अलीकडेच तुमचे राहण्याचं घर बदलले असेल किंवा दुसऱ्या शहरात स्थलांतर केले असेल, तर या कागदपत्रांमध्ये तुमचा नवीन पत्ता अद्ययावत करणे अत्यंत गरजेचे ठरते.
पत्ता अपडेट करण्यासाठी तुम्हाला आता वारंवार कार्यालयात जाण्याची गरज नाही; तुमच्या आधार आणि पॅनवरील पत्ता ऑनलाइन अपडेट करता येईल.
जर तुम्हाला दोन्ही कागदपत्रांमध्ये तुमचा नवीन पत्ता अद्ययावत करायचा असेल, तर यासाठी तुम्ही UIDAI चे 'myAadhaar' पोर्टल किंवा मोबाइल ॲप वापरू शकता. सर्वप्रथम पोर्टलवर लॉग इन करा आणि तुमचा आधार क्रमांक टाका.
तुमच्या नोंदणीकृत मोबाइल क्रमांकावर पाठवलेल्या OTP चा वापर करून पडताळणी प्रक्रिया पूर्ण करा. पडताळणी पूर्ण झाल्यावर, तुम्हाला पत्ता अद्ययावत करण्याचा पर्याय दिसेल.
आता 'Address Update' हा पर्याय निवडा आणि तुमचा नवीन पत्ता काळजीपूर्वक नमूद करावा. तुमच्या वैध 'पत्ता-पुराव्या'वर जसा पत्ता आहे, तसाच अचूक पत्ता भरा. तसेच तुम्हाला आवश्यक असलेला पत्त्याचा पुरावा देखील अपलोड करावा.
फॉर्म भरण्याआधी सर्व तपशील काळजीपूर्वक तपासा, कारण चुकीच्या पत्त्यामुळे नंतर अडचणी येऊ शकतात. तुम्हाला URN (अपडेट रिक्वेस्ट नंबर) मिळेल, या क्रमांकाचा वापर करून तुम्ही तुमच्या आधार अपडेटची स्थिती तपासू शकता.
तुमच्या आधारमध्ये नवीन पत्ता अपडेट झाल्यानंतर तुम्ही तुमच्या पॅन तपशीलात बदल करू शकतात. यासाठी Protean (NSDL) किंवा UTIITSL च्या वेबसाइटला भेट द्यावी. 'Change/Correction in PAN Data' हा पर्याय निवडा आणि तुमचा पॅन क्रमांक तेथे टाका. त्यानंतर आवश्यक माहिती भरा. त्यानंतर तुम्हाला आधार-आधारित ई-केवायसी (e-KYC) चा पर्याय उपलब्ध होऊ शकतो.
तुम्ही नवीन घरात राहायला गेला आहात, परंतु तुमच्या आधार आणि पॅन कार्डवर अजूनही जुनाच पत्ता नोंदवलेला आहे. अशा परिस्थितीत पत्त्यांमधील तफावतीमुळे भविष्यात या कागदपत्रांचा वापर करताना अडचणी येऊ शकतात.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.