Viral Video: 'जेवढं बोलशील तेवढं मारेन...' ऑन ड्यूटी पोलिस अधिकाऱ्याने तरूणाला धू धू धुतलं, Video व्हायरल

पोलिस हे सर्वसामान्यांचे संरक्षक असतात. कोणत्याही परिस्थिती पोलिस हे सर्वसामान्यांच्या मदतीसाठी धावतात. मात्र याच पोलिसांनी आपल्या वर्दीचा धाक दाखवत सर्वसामान्यांना मारहाण केली तर कायदा आणि सुव्यवस्थेचा प्रश्न उपस्थित होतो. सध्या असाच एक व्हिडीओ सोशल मीडियावर व्हायरल होत आहे. ज्यामध्ये एका पोलिसाने तरूणाला मारहाण केली आहे.

उत्तर प्रदेशच्या बागपतमध्ये ही घटना घडली आहे. बागपतच्या खेकरा भागात ऑन ड्युटी असलेल्या एका पोलिसाने रस्त्यावर उभ्या असलेल्या एका तरूणाला चापट मारली व शिवीगाळ केली असल्याचा हा व्हिडीओ आहे. व्हिडीओमध्ये तुम्ही पाहू शकता, की कॉन्स्टेबल पोलिस रागाच्या भरात एका तरूणाला चापट मारत आहे आणि शिवीगाळ करत आहे.

पुढे त्यांनी, तू जितके बोलशील तितके मी तुला मारेन. शांतपणे उभा राहा. पोलिस तरूणाला शिवीगाळ करताना दिसत आहेत. पोलिसांनेच आपल्या वर्दीचा धाक दाखवत रस्त्यावरच तरूणाला मारलं आहे. मारहाण आणि शिवीगाळ केल्याचा पोलिसाचा हा व्हिडीओ सोशल मीडियावर व्हायरल होत आहे.

व्हायरल व्हिडिओ समोर आल्यानंतर बागपत पोलिस प्रशासन काय कारवाई करतील आता हे पाहणं महत्वाचं आहे. उत्तर प्रदेश पोलिस कर्मचाऱ्यावर असे आरोप होण्याची ही पहिलीच घटना नाही. सोशल मीडियावर असे व्हिडिओ नेहमीच व्हायरल होतात.