Wednesday Horoscope: नोकरीची समस्या सुटेल, ५ राशींची पैशांची तंगी होईल दूर, वाचा बुधवारचे राशीभविष्य

मेष

कारण नसताना मागे लागलेल्या काही गोष्टी आज सुकर होतील. जसे की कोर्ट- कचेरीची कामे, आज आपल्या बाजूने निकाल लागण्याची दाट शक्यता आहे.

वृषभ

नोकर चाकारांचे सुख मिळेल. कलाक्षेत्रामध्ये विशेष प्रगती होईल. नवीन नोकरीच्या शोधामध्ये असणारे लोकांना आजचा दिवस सुदिन आहे असे समजायला हरकत नाही. गुप्त शत्रु मात्र ओळखून सावध पावले टाका.

मिथुन

आज प्रदोषाचा दिवस आहे. उपासनेला अतिशय उत्तम. शिव, विष्णू उपासना आज करणं आपल्या राशीला फलदायी आहे. उपासना मार्गातून चांगली फळे मिळतील.

कर्क

शेतीवाडी मधून फायदा संभवतो आहे. जमिनीचे क्रय विक्रय काय करणार असाल तर आजचा दिवस आपल्या राशीसाठी योग्य राहील.

सिंह

शेजारील व्यक्तींवर आपला प्रभाव राहील. महत्त्वाची कामे आज सहज पार पडतील. जुने अडखळलेले पत्रव्यवहार मार्गी लागणार आहेत.

कन्या

मनाने घेतलेले निर्णय योग्य ठरतील. पैशाची गुंतवणूक वारसा हक्कापासून मिळणारा पैसा यासाठी दिवस अनुकूल आहे. घरातील व्यक्तींचे योग्य सहकार्य मिळेल.

तूळ

सर्व गोष्टी प्रमाणातच केलेल्या बऱ्या. आज कोणत्याही गोष्टीचा अट्टाहास नको. स्वतःला आनंद वाटेल अशा गोष्टी करा.नव्याने खरेदी होईल. व्यक्तिमत्वाला सुंदर अशी आभा लाभेल.

वृश्चिक

प्रेमामध्ये अपयश संभवते आहे. मोठे व्यवहार किंवा मोठे खर्च होतील. मुख्यत्वे तब्येतीसाठी काहीतरी मोठे खर्च होतील. हॉस्पिटलायझेशन, बंधनयोग अशा गोष्टींमध्ये व्यय दिसतो आहे.

धनु

सून जावया यांच्या स्नेहामुळे भारावून जाल.जवळच्या लोकांबरोबर स्नेहभोजनाचे योग आहेत. नव्याने काही परिचय होतील. कामांमध्ये सृजनशीलता वाढेल.

मकर

प्रवासामधून फायदा आहे. जुन्या गोष्टी सोडून नव्याने कार्यरत राहावे लागेल. समाजामध्ये मानसन्मान आणि प्रतिष्ठा लाभण्याचा आजचा दिवस आहे.

कुंभ

आजचा प्रदोषाचा दिवस आपल्याला सुवर्ता घेऊन आलेला आहे. शिव उपासना उत्तम ठरेल. तीर्थक्षेत्रि भेटी होतील. यश सहज दारी येईल. नातवंड सौख्य चांगले आहे.

मीन

जेवढे स्वतःवर विश्वास ठेवाल. तितके पुढे जाल. आज कोणाच्या सहकार्याची अपेक्षा करणे योग्य राहणार नाही. जोडीदारापासून मात्र धन लाभाची शक्यता आहे. दिवस संमिश्र राहील.

NEXT: Saree Blouse Designs: कोणत्या साडीवर कोणता ब्लाउज दिसेल उठून? स्टायलिश लूकसाठी वाचा टिप्स