Shruti Vilas Kadam
संस्कृतमध्ये याला कुंभकासन तर इंग्रजीत Plank Pose (फलकासन) म्हटले जाते. दोन्हींची पद्धत आणि फायदे समान आहेत.
हे योगासन शरीरातील अनेक स्नायूंवर एकाच वेळी काम करते. त्यामुळे कॅलरी बर्न होण्यास मदत होते आणि वजन कमी करण्याच्या प्रक्रियेला चालना मिळते.
नियमित सराव केल्यास कोअर (Core) स्नायू मजबूत होतात. त्यामुळे पोटावरील अतिरिक्त चरबी कमी करण्यास मदत मिळू शकते.
खांदे, हात, पाठ, कंबर आणि पायांचे स्नायू मजबूत होतात. यामुळे शरीराचा समतोल आणि सहनशक्ती सुधारते.
पोटावर झोपा. नंतर हातांचे तळवे आणि पायांची बोटे जमिनीवर ठेवून शरीर सरळ रेषेत उचला. मान, पाठ आणि पाय एका रेषेत ठेवा. सुरुवातीला 20–30 सेकंद ही स्थिती कायम ठेवा आणि नंतर हळूहळू वेळ वाढवा.
कंबर खाली झुकू देऊ नका किंवा जास्त वर उचलू नका. श्वास रोखू नका; सामान्य श्वासोच्छ्वास सुरू ठेवा. वेदना जाणवल्यास योगासन थांबवा.
फलकासनासोबत संतुलित आहार, नियमित चालणे, कार्डिओ व्यायाम, पुरेशी झोप आणि निरोगी जीवनशैली यांचाही अवलंब केल्यास वजन कमी करण्यास अधिक मदत होते.