Surabhi Jayashree Jagdish
नखांवर दिसणारे पांढरे ठिपके बहुतेकदा नखाला झालेल्या किरकोळ इजेमुळे निर्माण होतात. मॅनिक्युअर करताना नखांना झालेली इजा किंवा त्यावर पडलेला दबाव यामुळेही असे ठिपके दिसू शकतात.
नखांचा रंग पिवळसर होण्यामागे फंगल इन्फेक्शन हे एक कारण असू शकतं. वारंवार किंवा दीर्घकाळ नेल पॉलिश वापरल्यानेही नखांचा नैसर्गिक रंग बदलू शकतो.
नखावर नव्याने काळी रेष दिसल्यास तिच्याकडे लक्ष देणं आवश्यक आहे. ही रेष वाढत असेल किंवा तिच्या रंग, आकार अथवा स्वरूपात बदल होत असेल तर त्वचारोगतज्ज्ञांकडून तपासणी करून घ्यावी. कोणतीही स्पष्ट इजा झालेली नसताना अशी रेष दिसल्यास वैद्यकीय सल्ला घेणे योग्य ठरतं.
नखं वारंवार तुटणं किंवा कमकुवत होणं हे कोरडेपणामुळे होऊ शकतं. सतत पाण्याच्या संपर्कात राहणं किंवा डिटर्जंटचा वारंवार वापर केल्यानेही नखांची स्थिती बिघडू शकते. अशा परिस्थितीत नखांमध्ये कोरडेपणा आणि कमकुवतपणा वाढू शकतो.
नखांच्या पृष्ठभागावर छोटे-छोटे खड्डे दिसण्याला pitting असं म्हणतात. काही वेळा हा बदल psoriasis किंवा eczema सारख्या त्वचारोगांशी संबंधित असू शकतो. नखांवर अशा प्रकारचे खड्डे वारंवार किंवा अनेक नखांवर दिसत असल्यास त्वचारोगतज्ज्ञांचा सल्ला घ्यावा.
नखांचा रंग नेहमीपेक्षा अधिक फिकट दिसत असल्यास त्याचा संबंध अॅनिमियाशी असू शकतो. शरीरातील लाल रक्तपेशी किंवा हिमोग्लोबिनचं प्रमाण कमी असल्यास नखं फिकट दिसू शकतात. मात्र नखांचा रंग पाहून अॅनिमियाचं निश्चित निदान करता येत नाही.
नखांचा रंग काळसर होण्यामागे नखेला झालेली इजा हे एक कारण असू शकते. नखाखाली रक्त साचल्यामुळेही नख काळसर किंवा काळे दिसू शकते. काही वेळा pigmentation मुळे नखांचा रंग गडद होऊ शकतो.
ही माहिती विविध सार्वजनिक स्रोतांवर आधारित असून केवळ सामान्य माहितीसाठी देण्यात आली आहे. या माहितीची स्वतंत्र वैद्यकीय पडताळणी आम्ही केलेली नाही. कोणतीही लक्षणे आढळल्यास स्वतः निष्कर्ष काढण्याऐवजी तज्ज्ञ डॉक्टरांचा सल्ला घ्या.