Shreya Maskar
लोकरीचे कपडे सर्व धुवताना काही महत्त्वाच्या गोष्टी लक्षात घ्या. नेहमीच्या कपड्यांसोबत लोकरीचे कपडे धुवू नका. लोकरीचे कपडे कायम वेगळे धुवा.
लोकरीच्या कपड्यांमध्ये जॅकेट, स्वेटर, मफलर, कानटोपी यांचा समावेश असतो. तसेच हे कपडे खूप महाग असतात. त्यामुळे असे कपडे रोजच्या कपड्यांसोबत धुतल्यास नाजूक कपड्यांना इतर कपड्यांचा रंग लागू शकतो.
लोकरीचे कपडे नाजूक असतात, त्यामुळे वॉशिंग मशीनमध्ये धुवणे टाळा. वॉशिंग मशीनमध्ये लोकरीचे कपडे धुतल्याने ते अधिक खराब होऊ शकतात किंवा लोकर विसवण्याची शक्यता असते.
हिवाळ्यात लोकरीचे कपडे धुवताना ते उलट करून कोमट पाण्यात टाका. जेणेकरून कपड्यांवरील डिझायन खराब होणार नाही आणि कपडे चांगले स्वच्छ होतील.
लोकरीच्या कपड्यांना डाग लागल्यास स्टेन रिमूवरचा वापर करा. कोमट पाण्यात स्टेन रिमूवर मिसळून कपडे २-३ तास ठेवून द्या. त्यानंतर हलक्या हाताने कपडे धुवा.
लोकरीचे कपडे धुतल्यावर चांगले उन्हात वाळवा. त्यानंतरच स्वच्छ कपाटात ठेवून द्या. जेणेकरून त्यांना दमट वास येणार नाही आणि ते दीर्घकाळ चांगले राहतील.
शक्य असल्यास जास्त वेळा लोकरीचे कपडे धुवू नका. ते लवकर खराब होतात. तसेच त्यांचा रंग देखील लवकरच फिका पडतो. त्यामुळे लोकरीचे कपडे कमीत कमी वेळा धुवा.
चुकूनही लोकरीच्या कपड्यांना ब्रश लावू नये. नाहीतर लोकरीचे धागे विसवले जातात.