Manasvi Choudhary
दरवर्षी संपूर्ण जगभरात २२ एप्रिल हा दिवस जागतिक पृथ्वी दिन म्हणून साजरा केला जातो.
पर्यावरणाचे संरक्षण राखण्यासाठी नागरिकांमध्ये जागरूकता निर्माण करण्यासाठी हा दिवस साजरा केला जातो.
वायू प्रदूषण, जल प्रदूषण, जागतिक तापमानवाढ आणि जंगलतोड या समस्याने पर्यावरणाची हानी होत आहे. यासाठी वेळेवर उपाययोजना केली नाही तर पुढच्या पिढ्यांनी याचा गंभीर परिणामांना सामोरे जावे लागेल.
१९७० मध्ये पहिल्यांदा अमेरिकेचे सिनेटर गेलॉर्ड नेल्सन यांनी जागतिक पृथ्वी दिनाची सुरूवात केली. अमेरिकेत पर्यावरणाचे प्रदूषण झपाट्याने वाढत असल्याने त्यांनी नागरिकांमध्ये जागृकता निर्माण करण्यासाठी सुरूवात केली.
त्यांनतर २२ एप्रिल १९७० रोजी लाखो नागरिकांनी या उपक्रमाला सहभाग दाखवला आणि जागतिक पृथ्वी दिन साजरा करण्यात आला.
या उपक्रमाने पर्यावरणाच्या संरक्षणाला नवीन दिशा मिळाली. त्यांनतर संपूर्ण जगभरात याची सुरूवात झाली. या उपक्रमात जास्तीत जास्त तरूणाई सहभागी व्हावी. अमेरिकेतली विद्यार्थी, सर्वसामान्यांसाठी २२ एप्रिल हा दिवस शक्य होता म्हणून हा दिवस निवडण्यात आला.
यावर्षीची थीम ही प्लास्टिक प्रदूषणाविरुद्ध लढा देऊन पृथ्वीला प्लास्टिकमुक्त करण्यावर आहे