ब्युरो रिपोर्ट, साम टीव्ही, मुंबई
आज देशभरात मोठ्या उत्साहाने महाशिवरात्री साजरी केली जात आहे. परंतु तुम्हाला माहित आहे का, की महाशिवरात्री का साजरी केली जाते.
सनातन धर्मात महाशिवरात्रीला विशेष धार्मिक महत्व आहे. या दिवशी महादेवाची पूजा करणे शुभ मानले जाते.
दरवर्षी महाशिवरात्री फाल्गुन महिन्याच्या कृष्ण पक्षातील चतुर्दशी तिथीला साजरी केली जाते.
महाशिवरात्रीला भगवान शंकराची रात्र देखील म्हटलं जातं.
मान्यतेनुसार, महाशिवरात्रीच्या दिवशी माता पार्वती आणि महादेव यांचा विवाह झाला होता.
असे मानले जाते की, शिवरात्रीला महादेवाने सृष्टी आणि विनाशाचे दिव्य नृत्य तांडव सादर केले होते.
या दिवशी महादेवाचे भक्त उपवास करतात. आणि शंकर भगवानची पूजा करतात.