Saam Tv
जीन्स हा आजच्या काळातला सर्वात जास्त वापरला जाणारा पोषाख आहे. पण जीन्सच्या पुढच्या किंवा मागच्या बाजूला खिसे का असतील? हा विचार कोणी केलाय का?
तुम्ही आजपर्यंत कितीतरी जिन्स विकत घेतल्या असतील पण तुम्हाला हा प्रश्न कधीच पडला नसेल. चला तर याचा गमतीशीर इतिहास थोडक्यात जाणून घेऊयात.
1853 साली Levi Strauss यांनी जीन्स तयार करणारी कंपनी स्थापन केली.
जीन्सच्या डिझाइनला अधिकृत पेटंट 1873 मध्ये मिळालं. त्याच डिझाइनमध्ये खिशाचाही समावेश केला. जीन्सच्या सुरुवातीच्या मॉडेलपासून हा छोटा खिसा देण्यात आला होता आणि तो आजही तसाच आहे.
जीन्सच्या या छोट्या खिशाला "वॉच पॉकेट" (Watch Pocket) असं दुसऱ्या नावाने ओळखलं जातं.
सुरुवातीला लोक हातातल्या घड्याळाऐवजी पॉकेट वॉच वापरायचे. ते सुरक्षित ठेवण्यासाठी हा खिसा बनवण्यात आला होता.
कामाच्या वेळी किंवा प्रवासात पॉकेट वॉच तुटू नये किंवा पडू नये यासाठी हा छोटा खिसा उपयोगी पडत होता.
पुढे हा छोटा खिसा जीन्सच्या डिझाइनचा महत्वाचा भाग बनला आहे. आता लोक खिशा नसलेली जीन्स वापरतच नाहीत.
सध्या या खिशात लोक नाणी, अंगठी, इयरबड्स, यूएसबी ड्राइव्ह, लायटर किंवा छोट्या चाव्या ठेवण्यासाठी करतात.