Manasvi Choudhary
जेव्हा तुम्ही बाहेरगावी फिरायला जाता तेव्हा हॉटेल बुक करतात. हॉटेल म्हटलं की नजरेसमोर येतं ते म्हणजे अलिशान बेड, सुंदर पडदे आणि टीव्हीसोबतच एक किंवा दोन खुर्च्या पाहायला मिळतात.
मात्र तुम्हाला कधी प्रश्न पडला आहे का की, हॉटेलच्या खोलीत विश्रांतीसाठी बेड असताना खुर्ची का असते? हॉटेलच्या खोलीमध्ये खुर्ची असण्यामागचे नेमके कारण काय? हे या वेबस्टोरीतून जाणून घ्या.
अनेक प्रवासी हॉटेलमध्ये पोहोचल्याक्षणी आपले कपडे किंवा बॅग लगेच कपाटात लावत नाहीत. अशा वेळी बॅग किंवा सामान बेडवर विस्कटून ठेवण्यापेक्षा जवळ असलेल्या खुर्चीवर ठेवणे प्रवाशांसाठी अतिशय सोयीचे पडते.
हॉटेलमधील हाऊसकीपिंग स्टाफला कमी वेळेत अनेक खोल्या स्वच्छ कराव्या लागतात. खोलीची स्वच्छता करताना बेडशीट बदलणे किंवा इतर कामे चालू असताना सामान इकडे-तिकडे हलवण्यासाठी किंवा बाजूला ठेवण्यासाठी ही खुर्ची अतिशय उपयोगी ठरते.
आपण बाहेरून आल्यावर आपले जॅकेट, ओव्हरकोट, हँडबॅग किंवा टोपी कुठे ठेवावी, असा प्रश्न पडतो. अशा वेळी रूम कितीही नीटनेटकी ठेवली तरी वस्तू टाकण्यासाठी खुर्चीचा वापर केला जातो, ज्यामुळे खोली पसारा झाल्यासारखी दिसत नाही.
हॉटेलच्या इतर मोठ्या फर्निचरच्या तुलनेत खुर्ची वजनाने हलकी आणि कुठेही सहज हलवता येते. जर एखाद्या पाहुण्याला खिडकीजवळ बसून चहा-कॉफीचा आनंद घ्यायचा असेल, लॅपटॉपवर काम करायचे असेल किंवा डेस्कवर काही कागदपत्रे तपासायची असतील, तर खुर्चीचा ह हवा तसा वापर करता येतो.
आजकाल ऑनलाइन बुकिंगसाठी हॉटेल्सचा लुक अतिशय महत्त्वाचा मानला जातो. स्टायलिश डिझाइनच्या खुर्च्या रूमची शोभा वाढवतात. तसेच अनेक जण हॉटेल रूममध्ये तयार होताना किंवा फोटो काढताना या खुर्चीचा वापर बॅकग्राउंड प्रॉप म्हणून करतात.