Dhanshri Shintre
गाडी घेताना तुम्ही तुमच्या आवडत्या रंगाची गाडी खरेदी करता. परंतू सर्व गाड्यांचे टायर मात्र काळ्या रंगाचेच असतात.
दुचाकी सह चार चाकी ते विमानापर्यंत अशा सर्वच वाहनांच्या टायरचा रंग काळाच का असतो याविषयी जाणून घेण्याची उत्सुकता असते.
गाड्यांचे टायर हे केवळ काळ्या रंगाचेच का असतात ते जाणून घेऊयात.
टायर्सचा इतिहास पाहिला तर जवळपास सव्वाशे वर्षांपूर्वी गाड्यांचे टायर हे पांढऱ्या रंगांचे होते.
कारण टायर्स बनवण्यासाठी वापरण्यात येणाऱ्या रबराच्या कच्चा मालाचा रंग हा पांढरा असतो.
पूर्वी टायर्सच्या रबरावर कोणतीही प्रक्रिया करण्यात येत नव्हती म्हणून टायरचा रंग पांढरा होता.
टायर बनवताना रबरमध्ये कार्बन ब्लॅक हा पदार्थ वापरला जातो.
कार्बन ब्लॅकमुळे टायरचा रंग काळा होतो, तसेच हे टायर जवळपास १ लाख किलोमीटर पर्यंत टिकतात.
कार्बन ब्लॅक मुळे टायर जास्त मजबूत आणि टिकाऊ बनतो. यामुळे टायरचा घर्षणाचा प्रतिकार वाढतो आणि त्याचे आयुष्य लांबते.
टायरला सूर्याच्या अतिनील (UV) किरणांपासून संरक्षण करण्यासाठी कार्बन ब्लॅक उपयुक्त ठरतो, कारण हे किरण रबर कमकुवत करतात.
गाडी चालवल्यानंतर टायरमध्ये उष्णता निर्माण होते. कार्बन ब्लॅक उष्णता शोषून टायर थंड ठेवण्याचे काम करते, ज्यामुळे टायर सहज तुटत नाही.
NEXT: ऑनलाईन रेल्वे तिकीट बुक करताय? मग 'ही' माहिती वाचाच