Siddhi Hande
पश्चिम बंगालमध्ये ममता बॅनर्जी यांना विधानसभा निवडणूकीत पराभवाचा सामना करावा लागला. यानंतर बंगालच्या राजकारणात अनेक मोठ्या घडामोडी होत आहेत.
दरम्यान, पश्चिम बंगालमध्ये भाजपची सत्ता स्थापन होण्याच्या तयारीत आहे. त्याआधीच भाजपचे नेते सुवेंदू अधिकारी यांचे पीए चंद्रनाथ रथ यांची हत्या करण्यात आली आहे.
भाजपचे सुवेंदू अधिकारी यांचे अत्यंत विश्वासू सहकारी म्हणून चंद्रनाथ रथ यांची ओळख होती. हवाई दलात अधिकारी ते राजकारण असा त्यांचा प्रवास वेगळाच होता.
चंद्रनाथ रथ हे पूर्व मेदिनापूरमधील चांदीपूरचे रहिवासी आहे. ते सुवेंदू अधिकारी यांचे जुने राजकीय सहकारी आहे.
चंद्रनाथ रथ यांनी हवाईदलात जवळपास २० वर्षे सेवा बजावली.त्यानंतर त्यांनी ऐच्छिक निवृत्ती घेतली.
चंद्रनाथ रथ यांनी काही काळ कॉर्पोरेटमध्ये काम केले. यानंतर राजकीय कार्यात प्रवेश केला. चंद्रनाथ रथ यांचे कुटुंब पूर्वी तृणमूल काँग्रेसशी संबंधित होते.
चंद्रनाथ रथ हे २०१९ मध्ये सुवेंदू अधिकारी यांच्या मुख्य राजकीय टीममध्ये सामील झाले. त्यावेळी अधिकारी हे ममता बॅनर्जी यांच्यासोबत होते.
यानंतर सुवेंदू अधिकारी यांच्यप्रमाणेत चंद्रनाथ रथ यांच्या कुटुंबियांनीही २०२० मध्ये भाजपमध्ये प्रवेश केला.
चंद्रनाथ रथ हे भाजपसाठी अत्यंत महत्त्वाची जबाबदारी पार पडत होते. राजकीय जबाबदारी, प्रचार मोहिमांचे व्यवस्थापन यासाठी चंद्रनाथ रथ ओळखले जायचे.
भाजपची अत्यंत गाजलेले भवानीपूरची लढाई यामध्येही त्यांचा सहभाग होता.चंद्रनाथ रथ यांनी बंगालच्या विधानसभा निवडणुकीतही महत्त्वाची भूमिका बजावली.
त्यांच्यावर बुधवारी अज्ञात हल्लेखोरांनी हल्ला केला. त्यांची गाडी अडवली आणि गोळीबार केला. यातच त्यांचा मृत्यू झाला.