Manasvi Choudhary
भात हा आपल्या रोजच्या आहारातला महत्वाचा घटक आहे. आपल्यापैकी अनेकांचे भात खाल्ल्याशिवाय जेवण पूर्ण होत नाही.
भात खाल्ल्याने शरीराला झटपट ऊर्जा मिळते, पण आजकाल फिटनेस आणि आरोग्याच्या काळजीसाठी अनेक जण पांढऱ्या भाताऐवजी ब्राऊन राईस खातात. मात्र तुम्हाला माहितीये का आरोग्यासाठी नेमका कोणता भात अधिक फायदेशीर आहे?
पांढरा तांदूळ आणि तपकिरी तांदूळ यांच्यामधील फरक म्हणजे तपकिरी तांदूळ हा पॉलिश केलेला नसतो त्यामुळे या तांदळात अधिक पोषणतत्वे असतात.
पांढरा तांदूळ पॉलिश केलेला असतो म्हणजेच त्याचे बाहेरीच थर काढलेले असते यामुळे तो अधिक पांढरा आणि मऊ दिसतो.
तपकिरी तांदळामध्ये फायबर, मॅग्नेशियम, फॉस्फरस आणि व्हिटॅमिन बी भरपूर प्रमाणात असते. फायबरमुळे शरीराची पचनसंस्था मजबूत होते.
तपकिरी तांदूळ खाल्ल्याने रक्तातील साखर हळूहळू वाढते यामुळे मधुमेह असणाऱ्यांनी तपकिरी तांदूळ खाल्ले तर फायदा होतो.
पांढरा तांदूळ हा लवकर पचतो यामुळे ज्यांची पचनक्रिया कमकुवत आहे अश्या व्यक्तींनी पांढऱ्या तांदळाचे सेवन करणे फायदेशीर असेल.
पांढरा तांदूळ खाल्ल्याने रत्तातील साखर झपाट्याने वाढू शकते यामुळे डायबिटीज असणाऱ्यांनी पांढऱ्या तांदळाचे सेवन मर्यादित प्रमाणात करावे.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.