Manasvi Choudhary
आजकाल वाढते प्रदूषण, धूळ, ताण- तणाव आणि खाण्यापिण्याच्या चुकीच्या सवयी यामुळे त्वचेच्या समस्या निर्माण होतात.
त्वचा निस्तेज, डल दिसते यासाठी अनेक लोक पार्लरमध्ये जाऊन फेशियल करतात आणि त्वचेला नैसर्गिक चमक येते.
तुम्हालाही पार्लरसारखी चमक चेहऱ्यावर पाहिजे असेल तर तुम्ही घरच्या घरी काही स्टेप्स फॉलो करा.
सर्वातआधी चेहरा स्वच्छ धुवा. फेशियलची सुरूवात करण्यापूर्वी चेहऱ्यावरील धूळ, तेल आणि मेकअप काढणे महत्वाचे आहे.
मृत त्वचा काढण्यासाठी नियमितपणे स्क्रब करणे महत्वाचे आहे. यासाठी तुम्ही घरच्या घरी स्क्रब, मध आणि लिंबाचा रस मिक्स करा आणि चेहऱ्यावर हलकेसे मसाज करा.
स्क्रबिंग केल्यानंतर चेहऱ्यावर कोरफडीचा जेल लावा यामुळे त्वचेतील ओलावा टिकून राहण्यास मदत होते.
एका पातेल्यात पाणी उकळून घ्या नंतर चेहऱ्यावर वाफ द्या. डोके टॉवेलने झाका आणि चेहऱ्यावर वाफ घ्या यामुळे त्वचेची छिद्रे उघडतात त्वचा खोलवर स्वच्छ होते.
चेहऱ्यावर मुलतानी माती, चंदन आणि गुलाब जल याचे एकत्र फेस पॅक तयार करा. हा पॅक चेहऱ्यावर १० ते १५ मिनिटे लावून ठेवा आणि नंतर चेहरा स्वच्छ धुवा. यामुळे चेहऱ्यावर नैसर्गिक चमक येण्यास मदत होते.
फेशियल झाल्यानंतर चेहऱ्यावर टोनर, सीरम आणि मॉइश्चरायझर नक्की लावा यामुळे त्वचेचे पोषण होते.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.