Manasvi Choudhary
वाढते प्रदूषण, धूळ, ताणतणाव आणि चुकीची जीवनशैली यामुळे आजकाल कमी वयातच चेहऱ्यावर परिणाम दिसतात.
त्वचेवर सुरकुत्या येणे, बारीक रेषा दिसणे, त्वचा निस्तेज दिसणे या त्वचेच्या समस्या कमी वयातच सुरू होतात. यासाठी तुम्ही महागड्या क्रिम्स लावण्यापेक्षा घरगुती सोपे उपाय करू शकता.
भेंडी त्वचेसाठी फायदेशीर मानली जातात. त्वचा हायड्रेट ठेवण्यासाठी तसेच त्वचेवर नैसर्गिक ग्लो येण्यासाठी भेंडी जेलचा वापर तुम्ही करू शकता.
भेंडी जेल बनवण्यासाठी भेंडी, कोरफड, ग्लिसरीन आणि व्हिटॅमिन ई हे साहित्य घ्या.
सर्वातआधी भेंडी स्वच्छ धुवून घ्या त्यानंतर तीचे बारीक बारीक तुकडे करा. गॅसवर एका पातेल्यामध्ये पाण्यात भेंडी उकळवून घ्या.
साधारण १० ते १५ मिनिटांनी पाणी उकळ्यानंतर घट्ट होईल. मिश्रण जेलसारखे घट्ट झाल्यानंतर थंड करायला ठेवा.
यानंतर गुळगुळीत जेल गाळणीने गाळून घ्या. त्यात कोरफड गर, ग्लिसरीन आणि व्हिटॅमिन ई मिक्स करा.
रात्री झोपण्यापूर्वी हे जेल तुम्ही चेहऱ्यावर लावा आणि नंतर चेहरा स्वच्छ धुवा.
भेंडी जेल चेहऱ्यावर लावल्याने त्वचेवरील निस्तेजपणा कमी करण्यास मदत होते. त्वचा नैसर्गिकरित्या चमकते सुरकुत्या देखील कमी होतात. त्वचा मऊ आणि फ्रेश दिसते.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.