Manasvi Choudhary
पांढरे कपडे दिसायला अत्यंत आकर्षक आणि स्टायलिश असतात, परंतु त्यांची स्वच्छता राखणे अत्यंत कठिण असते. विशेषतः पांढऱ्या कपड्यांवर पडणारे पिवळे डाग सामान्य धुण्याच्या पद्धतीने लवकर निघत नाहीत. तुमचे पांढरे कपडे दुधासारखे पांढरेशुभ्र आणि चकचकीत दिसण्यासाठी स्मार्ट टिप्स फॉलो करा.
पांढरे कपडे धुताना ते नेहमी इतर रंगीत कपड्यांपासून वेगळे धुवावेत. इतर कपड्यांवरील रंग पांढऱ्या कपड्यांना सहज लागू शकतो, ज्यामुळे त्यांची मूळ चमक लवकर कमी होते.
वारंवार धुण्यामुळे पांढऱ्या कपड्यांचा पांढरेपणा कमी होऊन ते पिवळसर दिसू लागतात. हे टाळण्यासाठी कपडे शेवटच्या वेळी धुण्याच्या पाण्यात थोडे व्हिनेगर मिक्स करा आणि त्यात १० मिनिटे कपडे भिजत घाला. यामुळे कपड्यांची चमक कायम टिकते.
पांढऱ्या शर्टची कॉलर सर्वात लवकर घाण होते. ती नीट स्वच्छ करण्यासाठी फक्त साबण लावण्यापेक्षा, कॉलरवर डिटर्जंट लावून मऊ ब्रशने हलक्या हाताने घासून घ्या. यामुळे घाण साचून राहणार नाही.
जर पांढऱ्या कपड्यावर चुकून दुसऱ्या रंगाचे डाग पडले असतील, तर सामान्य साबणाऐवजी कपडे हायड्रोजन पेरॉक्साइड मिक्स केलेल्या पाण्यात थोडा वेळ भिजत ठेवा. यामुळे रंग लवकर आणि सहज निघून येतो.