Surabhi Jayashree Jagdish
भाकरी करणं हे कौशल्य मानलं जातं. पण योग्य तवा न निवडल्यास भाकरी नीट जमत नाही.
जर भाकरी करताना परफेक्ट तवा निवडल्यास भाकरी तव्यावर न चिकटता मऊ आणि मुलायम होते.
अशावेळी अनेक महिलांना प्रश्न पडतो की, भाकरी भाजण्यासाठी कोणत्या तव्याचा वापर केला पाहिजे.
भाकरी चिटकू नये तसंच योग्य पद्धतीने पलटली जावी यासाठी बिडाचा तवा वापरणं फायद्याचं आहे.
बिडाचा तवा गॅसवर किंवा चुलीवर ठेऊन एकदा गरम झाला की तो उष्णता बराच वेळ टिकवून ठेवतो. अशावेळी ही उष्णता समान प्रमाणात वितरीत होते.
भाकरीला योग्य आणि स्थित उष्णता मिळाली की भाकरी चांगली भाजली जाते आणि अजिबात तुटत नाही.
बिडाचा तवा हा जाड असतो. त्यामुळे भाकरी भाजताना त्यांना एक चांगला आधार मिळतो. भाकरी थापून झाल्यावर तव्यावर ठेवताना किंवा उलटताना तिचा नाजूकपणा तसाच राहतो.
बिडाचे तवे हे फार टिकाऊ असल्याने त्याची योग्य प्रमाणात काळजी घेतल्याने ते पिढनपिढ्या वापरले जाऊ शकतात.