Surabhi Jayashree Jagdish
नाभीभोवती नारळ किंवा बदामाचं तेल लावल्याने त्या भागातील त्वचेला मॉइश्चर मिळू शकतो. नियमित तेल लावल्यामुळे कोरडी आणि खरखरीत त्वचा मऊ होण्यास मदत होऊ शकते. त्वचेच्या आरोग्यासाठी मात्र संपूर्ण शरीराची योग्य काळजी आणि पुरेसं मॉइश्चरायझिंग महत्त्वाचे आहे.
मोहरीचं तेल नाभीवर लावल्याने पचनक्रिया सुधारते आणि बद्धकोष्ठतेत आराम मिळतो. सतत बद्धकोष्ठता, पोटदुखी किंवा पचनाच्या समस्या असल्यास योग्य वैद्यकीय सल्ला घेणे अधिक सुरक्षित आहे.
नाभीत कडुलिंब किंवा तुळशीचे तेल लावल्याने हार्मोन्स संतुलित राहतात. महिलांच्या हार्मोनल समस्यांवर याचा निश्चित परिणाम होतो. हार्मोन्सशी संबंधित त्रास असल्यास त्यामागचे कारण शोधण्यासाठी डॉक्टरांचा सल्ला घेणं आवश्यक आहे.
तूप किंवा ब्राह्मी तेल नाभीवर लावल्याने डोकेदुखी आणि मायग्रेनमध्ये आराम मिळतो. मात्र वारंवार किंवा तीव्र डोकेदुखी होत असल्यास केवळ या घरगुती उपायावर अवलंबून न राहता डॉक्टरांचा सल्ला घ्यावा.
मोहरीचं किंवा एरंडेल तेल नाभीवर लावल्याने सांधेदुखी आणि सूज कमी होते, असा पारंपरिक दावा केला जातो. सांधेदुखी दीर्घकाळ राहिल्यास त्यामागील कारण समजून घेण्यासाठी वैद्यकीय तपासणी महत्त्वाची आहे.
नाभीवर तेल लावायचं असल्यास त्वचेला सहन होणारं साधं तेल कमी प्रमाणात वापरा. या तेलामुळे खाज, लालसरपणा, जळजळ किंवा पुरळ दिसल्यास त्याचा वापर त्वरित थांबवावा. कोणतेही तेल वापरण्यापूर्वी त्याची त्वचेवर संवेदनशीलता आहे का, हे तपासा.
नाभीत तेल लावणं ही तुलनेने सोपी पारंपरिक पद्धत असली तरी ती कोणत्याही आजारावरील वैद्यकीय उपचारांचा पर्याय मानता येत नाही. काही दिवस तेल लावल्यानंतर शरीरात निश्चित सकारात्मक बदल दिसतील, असं नाही.
ही माहिती विविध सार्वजनिक स्रोतांवर आधारित असून केवळ सामान्य माहितीसाठी देण्यात आली आहे. या माहितीची स्वतंत्र वैद्यकीय पडताळणी आम्ही केलेली नाही. कोणतीही लक्षणे आढळल्यास स्वतः निष्कर्ष काढण्याऐवजी तज्ज्ञ डॉक्टरांचा सल्ला घ्या.