Surabhi Jayashree Jagdish
नवीन कारच्या सुरुवातीच्या काळाला अनेकदा ‘ब्रेक-इन’ किंवा ‘रनिंग-इन’ पीरियड म्हटलं जातं. या काळात इंजिन आणि इतर यांत्रिक भाग नव्याने एकत्र काम करत असतात. त्यामुळे पहिल्या सुमारे १,००० किमीमध्ये कार जपून चालवणं गरजेचं असतं.
नवीन कार सुरुवातीच्या काळात चालवताना शक्यतो मध्यम वेग ठेवावा. ७० ते ८० किमी/तासच्या आसपास वेग ठेवण्याचा सल्ला दिला जातो. पण ही सर्व कारसाठी ही मर्यादा ठरलेली नाही.
कार चालवताना फक्त स्पीडोमीटरकडे न पाहता इंजिनचं RPM देखील लक्षात ठेवणं गरजेचं आहे. पेट्रोल कारमध्ये २,५०० RPMच्या खाली आणि डिझेल कारमध्ये २,००० RPMच्या आसपास ठेवण्याचा सल्ला दिला आहे.
नवीन कार मिळाल्यानंतर अॅक्सिलरेटर जोरात दाबून अचानक वेग वाढवणं टाळा. सुरुवातीच्या काळात हळूहळू आणि सहजपणे वेग वाढवणं योग्य पद्धत आहे. कारच्या अधिकृत मार्गदर्शिकांमध्येही सुरुवातीच्या काळात अचानक वेग वाढवणं आणि पूर्ण अॅक्सिलरेटर देणं टाळावं.
नवीन कारचे टायर आणि ब्रेक वापरात आल्यानंतर रस्त्याशी आणि ब्रेकिंगच्या परिस्थितीशी व्यवस्थित जुळतात. त्यामुळे सुरुवातीच्या काळात अचानक ब्रेक लावणं टाळलं पाहिजे.
नवीन कार घेऊन हायवेवर जाताना क्रूझ कंट्रोल लावून बराच वेळ एकाच वेगाने गाडी चालवणं टाळलं पाहिजे. सुरुवातीच्या काळात गाडीचा वेग आणि इंजिन RPM वेळोवेळी बदलणं उपयुक्त ठरतं.
नवीन कारची पहिली सर्व्हिस केव्हा करायची हे प्रत्येक कंपनी आणि मॉडेलनुसार वेगळं असू शकतं. त्यामुळे फक्त १,००० किमी पूर्ण झाले म्हणून सर्व कारची पहिली सर्व्हिस त्याच वेळी करणं योग्य नाही. कारच्या सर्व्हिस बुकमध्ये दिलेले किलोमीटर आणि वेळेचे अंतर पाळा.