ब्युरो रिपोर्ट, साम टीव्ही, मुंबई
(IPL) इंडियन प्रीमियर लीगमधील सर्वात प्रसिद्ध फ्रँचायझी रॉयल चॅलेंजर्स बंगळुरूला नवा कर्णधार मिळाला आहे.
१३ फेब्रुवारी रोजी पत्रकार परिषदेत फ्रँचायझीने नवीन कर्णधाराचे नाव जाहीर केले. स्फोटक फलंदाज रजत पाटीदार हा रॉयल चॅलेंजर्स बंगळुरूचा नवा कर्णधार असणार आहे.
रजत पाटीदारने गेल्या हंगामात आपल्या जबरदस्त फलंदाजीने अनेक सामने जिंकले होते. कर्णधार पदाची घोषणा होताच विराट कोहलीने एका व्हिडिओ द्वारे रजत पाटीदारचे कौतुक केले आहे
मीडिया रिपोर्टनुसार, रजत पाटीदारची एकूण संपत्ती १६ ते १७ कोटी आहे. तसेच मध्यप्रदेशमद्ये रजतचे आलिशान घर आहे.
रजत पाटीदार २०२१ पासून रॉयल चॅलेंजर्स बंगळुरूचा भाग आहे. पहिल्या हंगामात ४ सामन्यात ७१ धावा केल्या. २०२२ मध्ये ८ सामन्यांमध्ये एका शतकासह ३३३ धावा केल्या.
रजतने ३० ऑक्टोबर २०१५-१६ रोजी त्याने फर्स्ट क्लास क्रिकेटमध्ये पदार्पण केले. त्याने ७५ टी-२० सामन्यांमध्ये २४६३ धावा केल्या.ज्यात एक शतक आणि २४ अर्धशतकांचा समावेश आहे.
दक्षिण आफ्रिकेचा धडाकेबाज फाफ डू प्लेसिस गेल्या हंगामापर्यंत कर्णधार होता. संघाला विजेतेपद मिळवून देण्याचे स्वप्न तो पूर्ण करू शकला नाही.