Chetan Bodke
मोरिंगा म्हणजे शेवगा वनस्पती होय. या वनस्पतीची शेंगही असते. ती शेंग अनेकदा आपण भाजी म्हणूनही खातो.
एका डायटिशियनने हिंदी वेबसाईटला शेवग्याच्या वनस्पतीचे फायदे सांगितले आहेत. जाणून घेऊया शेवग्याच्या वनस्पतीचे फायदे
आरोग्यासाठी पोषक असणारे कित्येक महत्त्वपूर्ण घटकांचा खजिना शेवग्याच्या शेंगसोबत त्या वनस्पतीमध्येही आहे.
शेवग्याच्या पानात आवश्यक जीवनसत्त्वे, खनिजे आणि अँटी-ऑक्सिडंट असतात, जे आरोग्य सुधारण्यास मदत करतात.
बदलत्या ऋतूमध्ये शेवग्याची पानं खावीत. त्यातील 'व्हिटामिन सी' शरीरातील रोगप्रतिकारक शक्ती वाढवते. यामुळे अनेक आजारांचा धोका कमी होतो.
शेवग्याच्या पानात केम्पफेरॉल आणि क्वेर्सेटिन सारखे घटक असतात. यामुळे शरीरामध्ये असणारी सूज कमी करते.
अभ्यासानुसार, शेवग्याचे पाने खाल्ल्याने रक्तातील साखरेचे पातळी कमी होते. सोबतच आतड्यातील ग्लुकोजचेही प्रमाण नियंत्रणात ठेवते आणि इन्सुलिन सेंसिटिव्हिटी वाढवते.
शेवग्याच्या पानांचे सेवन केल्याने शरीरातील कोलेस्ट्रॉल कमी होतो आणि रक्तदाब नियंत्रणात राहतो. सोबतच, हृदयासंबंधित आजारांचा धोका कमी होतो.
शेवग्याच्या पानांमध्ये फायबरचे प्रमाण जास्त असते. त्यामुळे बद्धकोष्ठतेपासून आराम मिळतो.
सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.