Shreya Maskar
वजन कमी करण्यासाठी नाचणी खूप फायदेशीर ठरते. नाचणीमध्ये फायबर, कॅल्शियम आणि इतर पोषक घटक असतात. नाचणीच्या पिठापासून तयार केलेला डोसा नाश्त्यासाठी किंवा हलक्या जेवणासाठी खाता येतो.
नाचणी डोसा बनवण्यासाठी सर्वप्रथम एका बाऊलमध्ये नाचणीचे पीठ, तांदळाचे पीठ, जिरे आणि मीठ एकत्र करा. त्यात थोडे थोडे पाणी घालून गुठळ्या फोडा.
पिठात चिरलेला कांदा, हिरवी मिरची आणि कोथिंबीर घाला. पीठ ५ मिनिटे बाजूला ठेवा. तुम्ही यात तुमच्या आवडीनुसार अनेक भाज्या टाकू शकता.
नॉन-स्टिक तवा गरम करा. त्यावर थोडे तेल टाकून पळीभर पीठ गोलाकार पसरवून घ्या. नाचणीचे पीठ तव्यावर नीट पसरत नसेल, तर थोडे पाणी घाला.
मध्यम आचेवर डोसा सोनेरी आणि कुरकुरीत होईपर्यंत भाजा. तयार डोसा दह्यासोबत खाऊ शकता किंवा फक्त डोसा देखील चवीला स्वादिष्ट लागेल.
नाचणीतील फायबर पचनक्रियेला मदत करते. संतुलित आहाराचा भाग म्हणून हा डोसा खाल्ल्यास भूक नियंत्रणात राहून पोट दीर्घकाळ भरलेले राहते.
डोसा बनवताना कमी तेलाचा वापर करा. यामुळे अतिरिक्त कॅलरी कमी ठेवण्यास मदत होते. आठवड्यातून २-३ हा नाश्ता नक्की करा.
वजन कमी करण्यासाठी डाएटसोबत व्यायाम, पुरेशी झोप, शाररिक हालचाल, मानसिक आरोग्य चांगले ठेवणे देखील गरजेचे आहे.