Shreya Maskar
मखाण्यामध्ये कॅलरीजचे प्रमाण कमी, तसेच तंतुमय पदार्थ (फायबर) आणि प्रथिनांचे प्रमाण अधिक असल्यामुळे, ते वजन कमी करण्यास मदत करतात; कारण यामुळे पोट भरल्याची जाणीव होते आणि अतिखाणे टाळले जाते.
मखाना चाट बनवण्यासाठी मखाना, शेंगदाणे, कांदा, टोमॅटो, कोथिंबीर, हिरवी चटणी, चिंच-खजुराची चटणी, मीठ, काळे मीठ, तिखट, जिरे पूड, चाट मसाला आणि लिंबाचा रस इत्यादी साहित्य लागते.
मखाना चाट बनवण्यासाठी सर्वप्रथम मखाना तुपात गोल्डन फ्राय करून घ्या. गॅस मंद आचेवर ठेवा जेणेकरून मखाना जळणार नाही.
त्यानंतर कांदा, टोमॅटो बारीक चिरून घ्या. तसेच हिरवीगार कोथिंबीर देखील चिरून घ्या. ज्यामुळे चव मखाना चाटची चव आणखी वाढेल.
आता तुपात थोडे शेंगदाणे भाजून घ्या. तुम्हाला हवे असेल तर यात ड्रायफ्रूट्स देखील टाकू शकता. उदा. काजू, बदाम, पिस्ता, अक्रोड
एक मोठ बाऊल घ्या. त्यात भाजलेले शेंगदाणे, मखाना मिक्स करा. त्यानंतर यात चिरलेले कांदा, टोमॅटो, कोथिंबीर देखील टाका.
चाटमध्ये हिरवी आणि लाल चटणी, चिंच-खजुराची चटणी घालून चांगले मिक्स करा. यात वरून मीठ, काळे मीठ, जिरे पूड, चाट मसाला टाका.
शेवटी मखाना चाटवर लिंबाचा रस पिळा. अशाप्रकारे चटपटीत पण हेल्दी मखाना चाट तयार झाला.