Shreya Maskar
धावपळीच्या जगात आपण रोज जंक फूड खातो, ज्यामुळे वजन, पोटाची चरबी वाढते. तुम्हाला झटपट वजन कमी करायचे असेल तर दुधी भोपळ्याचा रस रामबाण उपाय आहे.
दुधी भोपळ्याचा रस हे वजन कमी करण्यासाठी खूप फायदेशीर आहे. कमी कॅलरीयुक्त आणि पोषक तत्वांनी परिपूर्ण पेय आहे. यात सुमारे ९६% पाणी असते आणि फायबरचे प्रमाण जास्त असते.
दुधी भोपळ्याचा रस शरीरातील पाण्याची पातळी टिकवून ठेवण्यास आणि पोट भरलेले ठेवण्यास मदत करतो.
दुधीचा ज्यूस बनवण्यासाठी दुधी, पुदिन्याची पाने , किसलेले आले, लिंबाचा रस, काळे मीठ इत्यादी साहित्य लागते.
दुधीचा ज्यूस बनवण्यासाठी सर्वप्रथम दुधी सोलून त्याचे छोटे तुकडे करा. त्यानंतर काही वेळ पाण्यात भिजवून ठेवा.
मिक्सरमध्ये दुधी, पुदिना, आलं आणि पाणी घालून बारीक वाटून घ्या. तयार मिश्रण गाळून घ्या.
आता दुधीचा ज्यूसमध्ये लिंबाचा रस आणि काळे मीठ घालून चांगले मिसळा. अशाप्रकारे हेल्दी दुधीचा ज्यूस तयार आहे.
रिकाम्या पोटी नियमितपणे याचे सेवन केल्याने चयापचय क्रिया सुधारू शकते आणि पोटावरील चरबी कमी होण्यासही मदत होते.