Shreya Maskar
आंबा योग्य प्रमाणात खाल्ल्यास वजन कमी करण्यास मदत करू शकतो, कारण त्यात भरपूर फायबर असते, जे पोट भरलेले ठेवते आणि वारंवार भूक लागत नाही. तसेच, यात नैसर्गिक गोडवा असूनही कमी कॅलरीज असतात.
डाएट मँगो शेक बनवण्यासाठी सर्वप्रथम पूर्ण पिकलेल्या गोड आंब्याची निवड करा. आंबे कोमट पाण्यात स्वच्छ धुवून घ्या. आंबे कोरडे करा.
आता आंब्याचे साल काढून त्यांचे तुकडे करा. तुकडे डाएरेक्ट ब्लेंडरमध्ये टाकून एक प्युरी बनवा. लक्षात ठेवा आंब्याचा रस काढताना त्यात इतर कोणतेही पदार्थ टाकू नका.
आता तयार प्युरी एका मोठ्या भांड्यात काढा त्यात नेहमीच्या दुधाऐवजी फॅट-फ्री दूध घाला. तुम्ही कोणत्याही ब्रँडचे स्किम्ड मिल्क किंवा कमी फॅटचे दूध वापरू शकता.
तुम्हाला फॅट-फ्री दूध घ्यायचे नसेल तर नेहमीच्या दुधातील साय काढा, त्यासाठी दुधात थोडे पाणी घालून ते पातळ करा. अशा कमी फॅटच्या दुधाने शेक बनवल्याने लठ्ठपणा येत नाही.
मँगो शेकचा खरा आनंद घ्यायचा असेल तर त्यात साखर घालणे टाळा. पूर्ण पिकलेल्या आंब्यांचे शेक आधीच गोड असते, त्यात अधिक साखर टाकल्यास त्याची चव बिघडत. तसेच नैसर्गिक गोडवा जातो.
तुम्हाला मँगो शेकमध्ये आणखी थोडे गोड हवे असेल तर साखरेऐवजी मध टाकू शकता. यामुळे फॅट वाढणार नाही, पण रेसिपीतील गोडवा नक्कीच वाढेल. दुसरा पर्याय म्हणजे गुळाचा वापर करा.
मँगो शेक अधिक टेस्टी आणि हेल्दी बनवण्यासाठी त्यात काजू आणि मनुका घाला. ड्रायफ्रूट्सचे काप मँगो शेकची चव आणखी वाढवतील.