Shruti Vilas Kadam
लग्नाला काही दिवस बाकी असताना चेहऱ्याची काळजी घ्या. रोज चेहरा स्वच्छ धुवा आणि मॉइश्चरायझर लावा. यामुळे त्वचा मऊ राहते. या काळात नवीन ब्युटी प्रॉडक्ट्स वापरू नका.
लग्नाच्या तयारीत अनेक कामे असतात. त्यामुळे झोप पूर्ण होत नाही. पण लग्नाआधी पुरेशी झोप घेणे गरजेचे आहे. रोज ७ ते ८ तास झोपल्याने थकवा कमी होतो आणि चेहरा फ्रेश दिसतो.
लग्नाच्या आधी जास्त तेलकट आणि बाहेरचे पदार्थ खाणे टाळा. त्याऐवजी फळे, भाज्या आणि घरचे जेवण खा. तसेच दिवसभर पुरेसे पाणी प्या. यामुळे शरीर निरोगी राहते.
लग्नाच्या आधी केसांचीही काळजी घ्या. केसांना तेल लावा आणि सौम्य शॅम्पूने धुवा. लग्नाच्या अगदी आधी केसांवर नवीन प्रयोग किंवा केमिकल ट्रीटमेंट करू नका.
लग्नाच्या शेवटच्या आठवड्यात कपडे, दागिने, चप्पल आणि मेकअपचे सामान तपासून घ्या. लग्नाच्या दिवशी लागणाऱ्या सर्व वस्तू एका ठिकाणी ठेवा. यामुळे शेवटच्या क्षणी धावपळ होणार नाही.
लग्नाच्या काही दिवस आधी नवीन फेशियल, हेअर कलर किंवा ब्युटी ट्रीटमेंट करू नका. यामुळे चेहऱ्यावर पुरळ, जळजळ किंवा ॲलर्जी होऊ शकते. त्यामुळे आधीपासून वापरत असलेल्या गोष्टीच वापरा.
लग्नाच्या तयारीमुळे ताण येऊ शकतो. पण जास्त काळजी करू नका. आवडती गाणी ऐका, कुटुंबासोबत वेळ घालवा आणि स्वतःसाठी थोडा वेळ काढा. मन आनंदी ठेवा आणि लग्नाचा प्रत्येक क्षण मनापासून एन्जॉय करा.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.