Manasvi Choudhary
उन्हाळ्यात कलिंगड हे फळ शरीरासाठी सर्वात थंड म्हणून खाल्ले जाते. शरीरातील पाण्याची पातळी कमी झाली असेल तर कलिंगड ज्यूस करून पिणे फायदेशीर ठरेल.
पण तुम्हाला माहितीये का? त्वचेच्या सौंदर्यासाठी देखील कलिंगडचा वापर होतो. कलिंगड फेसपॅक बनवून तुम्ही चेहऱ्यावर लावू शकता.
कलिंगडचा फेस मास्क चेहऱ्यावर लावल्याने त्वचेच्या समस्या सुधारतात व त्वचा नैसर्गिकरित्या ग्लो करते.
व्हिटॅमिन ए, व्हिटॅमिन सी, आणि अँटीऑक्सिडंट्स हे पौष्टिक गुणधर्म कलिंगडमध्ये असल्याने त्वचा हायड्रेट आणि ताजेतवाने राहते.
त्वचेवर कलिंगड फेसमास्क लावण्यापूर्वी त्वचा स्वच्छ करणे महत्वाचे आहे. यानंतर कापसाच्या बोळ्याने कलिंगडचा रस चेहऱ्यावर लावा.
कलिंगडच्या रसमध्ये तांदळाचे पीठ मिक्स करून चेहऱ्यावर लावा आणि हलक्या हाताने मसाज करा म्हणजे त्वचेतील मृत पेशी निघून जातील.
कलिंगडचे काप करून चेहऱ्यावर फिरवा यामुळे चेहऱ्याचे रक्ताभिसरण सुधारते आणि चेहरा फ्रेश दिसतो.
कलिंगचे फेसपॅक बनवण्यासाठी त्यात दही आणि मध मिक्स करून लावा नंतर १० ते १५ मिनिटाने चेहरा धुवा.