Shreya Maskar
कलिंगड हे उन्हाळ्यात शरीराला हायड्रेट ठेवण्यासाठी उत्तम आहे. हे शरीरातील पाण्याचे प्रमाण वाढवते. हे शरीर थंड ठेवण्यास मदत करते.त्वचेच्या आरोग्यासाठी फायदेशीर ठरते आणि पचनक्रिया सुधारते. यात कॅलरीज आणि चरबीचे प्रमाण कमी असते.
कलिंगडाचा आईस्क्रीम बनवण्यासाठी फुल क्रीम दूध, बिया काढलेले कलिंगड, कंडेंस्ड मिल्क, व्हीप्ड क्रीम, व्हॅनिला इसेन्स, खाण्याचा लाल रंग , दुधात भिजवलेले काळे मनुके, चॉकलेट चिप्स इत्यादी साहित्य लागते.
कलिंगडाचा आईस्क्रीम बनवण्यासाठी सर्वप्रथम दूध अर्धे होईपर्यंत उकळा. दूध सतत ढवळत रहा, जेणेकरून त्याच्या गुठळ्या होणार नाही.
दूध थंड झाल्यावर, त्यात कंडेंस्ड मिल्क, व्हॅनिला इसेन्स आणि खाण्याचा लाल रंग घालून चांगले फेटून घ्या. दुधात भिजवलेले मनुके घाला.
आता मिक्सरमध्ये कलिंगडाचे तुकडे टाकून त्यात कलिंगडाचा रस किंवा पेस्ट बनवा. त्यानंतर तयार रस दुधाच्या मिश्रणात टाका.
शेवटी तुम्ही यात आईस्क्रीमची चव वाढवण्यासाठी डायफ्रूट्सचे काप देखील टाकू शकता. तुम्ही यात काजू, पिस्ता टाका.
सर्व साहित्य पुन्हा फेटून रेफ्रिजरेटरमध्ये सेट करायला ठेवून द्या. जेव्हा आईस्क्रीम थोडे घट्ट होईल, तेव्हा कलिंगडाचे लहान तुकडे करून आईस्क्रीमवर टाका.
आता तयार आईस्क्रीम एका बाऊलमध्ये काढा आणि त्यावर मनुके, चॉकलेट चिप्स टाका. पुन्हा ५-१० मिनिटांसाठी फ्रिजमध्ये ठेवा आणि थंडगार कलिंगडाच्या आईस्क्रीमचा आस्वाद घ्या.