Manasvi Choudhary
प्रवासात, ऑफिसात किंवा घराबाहेर असताना तहान लागल्यावर आपण दुकानातून पाण्याची प्लॅस्टिकची बाटली विकत घेतो, पाणी पितो आणि ती फेकून देतो.
पण आपण कधी विचार केला आहे का की, या पाण्याच्या बाटल्या पूर्णपणे गुळगुळीत आणि सपाट नसून त्यावर नागमोडी रेषा असतात, या रेषा का असतात यामागील कारण या वेबस्टोरीतून जाणून घ्या.
पाण्याच्या बाटल्यांवर असलेल्या या नागमोडी रेषांना तांत्रिक भाषेत रिबिंग किंवा ग्रिपिंग रिजेस म्हटले जाते. बाटल्यांची निर्मिती करताना 'ब्लो मोल्डिंग' प्रक्रियेदरम्यान या विशिष्ट डिझाईन्स तयार केल्या जातात.
पाण्याच्या बाटल्या बनवण्यासाठी वापरले जाणारे प्लास्टिक अतिशय पातळ आणि हलके असते. जर बाटली पूर्णपणे सपाट असती, तर ती अतिशय कमकुवत झाली असती आणि सहज मुरगळली असती किंवा फुटली असती. या नागमोडी रेषा पातळ प्लास्टिकला आवश्यक कडकपणा आणि मजबूती देण्याचे काम करतात.
अनेकदा हाताला घाम आल्यामुळे किंवा बाटली थंड असल्यामुळे ती हातातून निसटण्याची शक्यता असते. परंतु, या नागमोडी रेषांमुळे हाताची बाटलीवरील पकड अत्यंत घट्ट आणि मजबूत होते, ज्यामुळे ती सहज घसरत नाही.
या नागमोडी रेषांमुळे बाटलीवर दाब पडल्यास ती चपटी होत नाही किंवा तिचा आकार बिघडत नाही तर साध्या डिझाईनच्या तुलनेत या रेषांमुळे बाटलीचा टिकाऊपणा वाढतो.