Saam Tv
हिवाळा सुरू होताच स्वेटर, जॅकेट आणि जड कपड्यांमुळे कपाट भरून जाते. कमी जागेत कपडे कसे व्यवस्थित ठेवावे, जाणून घ्या सोप्या ट्रिक्स.
बेड किंवा बॉक्समधून जुने हिवाळ्यातले कपडे बाहेर काढल्यावर थेट घालू नका. त्यांना काही वेळ उन्हात ठेवा, ज्यामुळे त्यातील दुर्गंधी आणि कीटक निघून जातील.
जे कपडे तुम्ही गेल्या वर्षी एकदाही घातले नाहीत, त्यांना बाजूला करा. अनावश्यक कपडे कपाटात विनाकारण जागा घेरतात, त्यामुळे आधीच निरुपयोगी कपडे वेगळे करा.
जड कपडे एकावर एक ठेवल्यास एक स्वेटर काढताना सगळे कपडे बाहेर पडतात. त्याऐवजी स्वेटर, जॅकेट आणि शॉलसाठी वेगवेगळे सेक्शन्स बनवा जेणेकरून गोंधळ उडणार नाही.
लोकरीचे स्वेटर हँगरला अडकवून ठेवल्याने त्याचे खांदे आणि आकार बिघडू शकतो. स्वेटर नेहमी नीट फोल्ड करून शेल्फमध्ये ठेवा.
हिवाळ्याचे हेवी जॅकेट आणि लांब कोट्समध्ये सुरकुत्या पडू नयेत म्हणून त्यांना हँगरमध्ये टांगून ठेवणे योग्य ठरेल. मात्र, स्वेटर मात्र नेहमी फोल्ड करूनच ठेवा.
मोजे, मफलर, स्कार्फ आणि टोपी यांसारख्या छोट्या गोष्टी वारंवार हरवतात किंवा सापडत नाहीत. यासाठी त्यांना एका स्वतंत्र स्टोरेज बॉक्समध्ये एकत्र ठेवा.
या सोप्या टिप्समुळे तुमचे कपाट नेहमी नीटनेटकी आणि स्वच्छ दिसेल.
NEXT : मिठाईऐवजी ड्रायफ्रूट्स आवडीने खाताय? थांबा, बाजारात आला बनावट सुकामेवा, असं ओळखा खरं काजू-बदाम