Shreya Maskar
वीकेंडला कुठे तरी जवळच फिरण्याचा प्लान करत असाल तर विरार-नालासोपारा बेस्ट ठिकाण आहे. सकाळी जाणून तुम्ही संध्याकाळी निवांत येऊ शकता. ट्रेनलाही कमी गर्दी मिळेल.
मुंबईजवळ पालघर जिल्ह्यातील नालासोपारा येथे सुंदर कळंब बीच वसलेला आहे. हा समुद्रकिनारा खूप कमी लोकांना माहितेय.
संध्याकाळी कळंब बीचवर आवर्जून फेरफटका मारायला जा. येथे सूर्यास्ताचा सुरेख नजारा पाहायला मिळतो. तसेच येथे शांत वातावरण अनुभवता येते.
अरबी समुद्रावर सूर्यास्ताच्या वेळी आकाशात उमटणारी गुलाबी आणि केशरी रंगांची उधळण पाहण्यासाठी पर्यटक अनेकदा संध्याकाळी येथे येतात.
किनाऱ्यावर मऊ, काळ्या/गडद रंगाच्या वाळूचा मोठा पट्टा आहे. ही वाळू प्रदूषणामुळे नाही तर स्थानिक खनिजांच्या साठ्यांमुळे अशा रंगाची आहे.
कळंब बीचला गेल्यावर उंटाची सवारी, घोड्याची सवारी, सायकलिंगचा आनंद घेऊ शकतात. तसेच लहान मुलं येथे वाळूत मजा- मस्ती करताना दिसतात.
विरार ट्रेन पकडून नालासोपाऱ्याला उतरा. स्टेशनपासून रिक्षा किंवा बसने तुम्ही प्रवास करून कळंब बीच येथे पोहचाल. बीचवर खाण्यापिण्यासाठी छोटे स्टॉल्स आहेत.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.